CERVO.- A unidade pastoral e o Concello de Cervo distribuirán huchas polos locais comerciais e de hostalería do municipio para facer unha cuestación en favor de Haití, os cartos recadados seranlle entregados a Cáritas para que os destine a axudar a este país caribeño.
Nota de Prensa
O CONCELLO E A UNIDADE PASTORAL ORGANIZAN UNHA CUESTACIÓN POPULAR EN FAVOR DE HAITÍ
* Distribuiranse huchas polos locais comerciais e de hostalería do municipio e os cartos recadados seranlle entregados a Cáritas para que os destine a axudar a este país caribeño
Cervo, 5 de marzo de 2010.- O Concello a Unidade Pastoral de Cervo veñen de por en marcha unha campaña de solidariedade cos damnificados do terremoto acaecido hai un mes en Haití.
Segundo anunciou hoxe a concelleira delegada de Servizos Sociais de Cervo, Pilar Armada, a iniciativa consiste na colocación de huchas “feitas expresamente para este fin” as cales serán colocadas en diversos locais comerciais e de hostalaría do termo municipal.
“Queremos aproveitar as vindeiras citas que temos no Concello coma a Festa do Ourizo, o día da Muller Traballadora, ou o encontro de palilleiras para tentar poder recadar a máxima cantidade de cartos” indicou Armada.
A concelleira de Servizos Sociais aproveitou tamén para facer un chamamento aos cervenses en xeral para que colaboren “na medida da medida das súas posibilidades” con esta iniciativa “que ten por obxecto aportar o noso grao de area á xente de Haití que nestes momentos precisa de axuda”.
Os cartos recadados mediante esta cuestación popular serán doados á ONG Cáritas para que sexan destinados á axuda deste país caribeño.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
