CERVO .- O Concello de Cervo formalizou un convenio de colaboración coa Consellería do Medio Rural para a limpeza e roza en pistas e camiños das parroquias de Lieiro, Castelo, Cervo, Sargadelos, Vilastrofe e Rúa.
NOTA DE PRENSA
As tarefas subscríbense dentro do convenio firmado entre o Concello de Cervo e a Consellería do medio Rural
O CONCELLO FARÁ TRABALLOS DE PREVENCIÓN DE INCENDIOS EN 80 HECTÁREAS DE PISTAS FORESTAIS
* Acometeranse a limpeza e roza en pistas e camiños das parroquias de Lieiro, Castelo, Cervo, Sargadelos, Vilastrofe e Rúa
* Para elo, o departamento autonómico que dirixe Samuel Juárez achegará ao Concello 10.478 euros
Cervo, 4 de marzo de 2010.- O Concello de Cervo ven de formalizar un convenio de colaboración coa Consellería do Medio Rural para actuar, mediante tarefas preventivas, sobre as causas dos incendios forestais no termo municipal co obxecto de evitalos, ou en todo caso, minorar as súas consecuencias.
Segundo indicou o alcalde de Cervo, Alfonso Villares, este acordo posibilitará a realización de traballos de limpeza en 80,6 hectáreas de pistas, vías, camiños e outras superficies forestais nas parroquias de Lieiro, Castelo, Cervo, Sargadelos, Vilastrofe e Rúa. Para elo, o departamento autonómico que dirixe Samuel Juárez achegará ao Concello 10.478 euros (130 euros por cada hectárea rozada destas pistas forestais e rurais).
O alcalde cervense valorou moi positivamente a realización destes traballos traballos de limpeza e desbroce, os cales segundo Villares, perseguen dous obxectivos primordiales: “o incremento da visibilidade para os condutores e a prevención dos incendios forestais, un perigo que a pesares de non existir actualmente pola gran cantidade de choivas deste inverno, si é necesario afrontar con garantías cando chegue o verán” sinalou.
Este é o segundo ano que o Concello de Cervo subscribe este convenio de colaboración coa Consellería de Medio Rural. No pasado ano tamén se desenvolveron estes traballos nunha superficie semellante de pistas e camiños do termo municipal.
Cumpre lembrar tamén que a este acordo entre o Concello de Cervo e Medio Rural hai que sumarlle tamén o convenio firmado hai agora un mes con esta mesma Consellería para desenvolver traballos de acondicionamento en sete pistas rurais do termo municipal. “Pensamos, en definitiva, que estas dúas actuacións, xunto con outras que podamos xestionar en materia de infraestruturas rurais, contribuirán a dignificar e mellorar a calidade de vida dos veciños que residen nestas zonas, e como non, desexamos tamén que axuden a evitar a incidencia de posibles incendios no noso concello” salientou o alcalde.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
