BURELA (FNC) .- O bipartito aprobará no pleno de mañá unha moción na que instan á Xunta de Galicia a non suprimir o Servizo Galego de Igualdade.
A tenente de alcalde, Neves Cando, di que “a parte da falla de xestión, da desidia e do desinterese do goberno do PP da Xunta en cuestións como medidas económicas serias para paliar a crise económica e frear o paro no noso país, sí que o PP destaca por destruir todo o positivo do goberno anterior. Xa o vimos no caso do decreto eólico, a supresión da gratuidade dos libros de texto, o desmantelamento das oficinas de Igualdade e Benestar, etc, etc…”.
A edil nacionalista subliña que “agora o goberno galego do PP vai suprimir o Servizo Galego de Promoción da Igualdade do Home e da Muller, un organismo autónomo que se creou no ano 1991 e que xa está consolidado na realización de políticas de igualdade, na non discriminación entre homes e mulleres, na participación e integración das mulleres na vida social, cultural, económica e política e en definitiva na promoción da igualdade no ámbito familiar, laboral e político”. Cando lembra que “ningunha forza política cuestionou nunca a vixencia e necesidade deste Servizo Galego de Igualdade e agora o goberno do PP publica un anteproxecto de lei no que se propón suprimir este servizo alegando racionalización, eficacia e austeridade, pero xa sabemos por onde vai a austeridade do goberno do señor Núñez Feijoo e como a igualdade igual da, segundo declaran importantes dirixentes do PP español, agora en Galiza igual da ter ou non ter Servizo Galego de Igualdade”.
Neves Cando manifesta que “na exposición de motivos da lei do ano 1991 que creou este servizo recóllese que este organismo deberá existir mentres persista calquera tipo de situación de discriminación o que deu lugar á súa existencia, cousa que desgraciadamente aínda se cumpre, e o goberno galego propón a súa supresión por austeridade económica”.
A tenente de alcalde sinala que “desde Burela rexeitamos que sexan as políticas de igualdade as que teñan que sufrir os recortes orzamentarios motivados pola austeridade, que deixen o señor Feijoo e os seus conselleiros e conselleiras de mercar coches novos e de gastar en propaganda de galiñas azuis. Consideramos fundamental desde o Concello de Burela que continúe o Servizo Galego de Promoción da Igualdade do Home e da Muller porque segue existindo a discriminación que motivou a súa creación”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
