BURELA (FNC) .- Este venres 5 de marzo comezan en Burela a programación cultural de primavera coa representación teatral da obra O secreto dos Hoffman da compañía Lagarta Lagarta. Será ás 21:30 horas no auditorio da Casa da Cultura. Segundo a edil nacionalista Neves Cando “con esta peza iniciamos o ciclo de primavera que incluirá unha vez máis teatro para adultos e infantil, música e exposicións de arte”.
A segunda cita do teatro adulto será o 18 de marzo coa obra O velorio de Xan do Perolo a cargo do grupo de teatro Axóuxeres de Vilaronte “con esta posta en escena quere aportar o seu grao de area de solidariedade ante o terrible o terremoto que asolou Haití hai agora case dous meses”. O 26 de marzo Mofa e Befa porá en escena a obra Shakespeare para ignorantes, o 9 de abril a compañía Tres Patas para un Banco escenificará a obra Onde estás corazón, o 30 de abril Teatro do Morcego representará Kwetch, unha comedia sobre a ansiedade e o 21 de maio Talía Teatro porá en escena a obra Palabras encadeadas. Todas as representacións serán ás 21:30 horas no auditorio da Casa da Cultura.
A concelleira de Cultura, Neves Cando, asegurou que “no caso dos nenos seguimos apostando por unha oferta variada para este público infantil que comezará o 13 de marzo coa obra Pingueiras e tarteiras de Teatro do Andamio”. O ciclo de teatro infantil continuará o 10 de abril. Ese día Galitoon porá en escena a obra Rosalía, a pulga que escribía. E o 15 de maio os máis pequenos poderán gozar de Bicharadas de Berrobamban. Todas as obras serán ás 18 horas no auditorio da Casa da Cultura.
Música
A música ten espazo propio na programación cultural de primavera do Concello de Burela. O 23 de abril ás 21:30 horas haberá concerto da Burela Blues Band, o 24 de abril ás 19 horas concerto de música moderna a cargo da Escola de Música de Silleda, Estudio Escola de Santiago e da Escola de Música de Burela. O 7 de maio ás 21:30 horas concerto de Marosa Jazz Project. O 8 de maio ás 20:00 horas terá lugar o festival das letras galegas da Coral Polifónica de Burela. O 12 de xuño ás 20:30 horas haberá concerto da Orquestra de Xove e a Coral do Hospital Xeral de Lugo e o 21 de xuño ás 20 horas será o concerto fin de curso da Escola Municipal de Música de Burela.
Exposicións
Do 26 de marzo ao 16 de abril terá lugar o certame de arte Galería Burela 2010. Durante todo o mes de maio na sala de arte do Concello poderase ver a exposición de Embarcacións tradicionais do arco Ártabro, Ortegal e Mariña de Lugo e a tamén exposición fotográfica Elas sempre están da Secretaría da Muller. Durante todo o mes de xuño será posible gozar cos traballos realizados nos obradoiros do Centro de Información ás Mulleres do Concello de Burela.
Galería Burela
Neves Cando anunciou que “durante toda esta semana está aberto o prazo para presentar obras á edición número quince do certame de arte Galería Burela que organizamos desde a Delegación de Cultura. Todos os artistas que o desexen poderán presentar as súas obras orixinais nas dúas modalidades pintura e escultura, sendo admitidas todas as técnicas, procedementos, tendencias e correntes estéticas. Terán que enviar as súas obras á Biblioteca Pública Municipal acompañándoas dun dossier fotográfico e dunha breve biografía do autor ou autora”. O fallo do xurado darase a coñecer durante o tempo que dure a exposición e a entrega de premios terá lugar o 16 de abril ás 20 horas na sala de arte da Casa da Cultura. Os premios establecidos para cada categoría son 1.800 euros e diploma para o primeiro, 1.200 euros e diploma para o segundo e diploma e figura representativa do certame para o terceiro. A edil de Cultura agarda que “a participación nesta edición de Galería Burela sexa igual ou maior que na pasada, onde 41 artistas en pintura e 23 en escultura presentaron as súas obras a este certame de arte do Concello de Burela”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
