CERVO .- O Concello de Cervo subvencionará con 300 euros aos veciños que teñan que instalar un receptor satélite para poder ver a TDT. Os beneficiarios con dereito a percibir esta axuda deberán certificar que se trata da súa vivenda habitual e deberán aportar tamén un informe técnico onde se certifique que no seu domicilio non se recibe o sinal.
Nota de Prensa
O CONCELLO SUBVENCIONARÁ CON 300 EUROS AOS VECIÑOS QUE TEÑAN QUE INSTALAR UN RECEPTOR SATÉLITE PARA PODER VER A TDT
* Os beneficiarios con dereito a percibir esta axuda deberán certificar que se trata da súa vivenda habitual e deberán aportar tamén un informe técnico onde se certifique que no seu domicilio non se recibe o sinal da TDT
* As axudas concederanse en función do nivel de renda dos solicitantes
Cervo, 30 de marzo de 2010.- Diante do inminente corte da sinal analóxica das televisións xeneralistas, o Concello de Cervo ten decidido articular unha axuda de 300 euros para aquelas vivendas do termino municipal que non podan captar o sinal da televisión dixital, así o anunciou hoxe o rexedor local, Alfonso Villares.
O alcalde lembrou que hai aproximadamente un mes “e aproveitando a posta en servizo dos reemisores que dan cobertura ao noso noso concello”, técnicos municipais fixeron diversas comprobacións da potencia de sinal da TDT en Daián e Figueirido, os dous núcleos de poboación do municipio que presentan as maiores dificultades para a recepción desta sinal.
“Despois disto, e vendo que aínda existían algunhas zonas de sombra, decidimos poñer en marcha esta liña de axudas con fondos municipais para que aqueles veciños que actualmente non poden recibir o sinal da TDT nos seus fogares instalen un receptor satélite que lles permita o visonado das distintas canles de televisión” indicou o alcalde.
Os beneficiarios con dereito a percibir esta axuda deberán certificar que se trata da súa vivenda habitual e deberán aportar tamén un informe técnico dun antenísta ou instalador oficial onde se certifique que no seu domicilio non se recibe o sinal da TDT e que a única opción para a recepción é a colocación dun aparato vía satélite.
Alfonso Villares dixo tamén que as axudas concederanse en función do nivel de renda dos solicitantes, “xa que pensamos que é o requisito máis xusto e ecuánime” indicou.
“Dende o Concello de Cervo séguenos a parecer chocante como a Administración estatal decide unilateralmente cortar o sinal analóxico sen resolver o problema económico daquelas persoas que viven en núcleos de menos de 50 habitantes con problemas de recepción, e que por estar en zonas de sombra teñen que gastar entre 400 e 600 euros por uns dispositivos vía satélite. Por iso, queremos colaborar na medida do posible neste desembolso e garantir así a recepción da televisión dixital terrestre para os veciños de todas as zonas do noso termino municipal” sinalou.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
