CERVO .- Responsables do goberno municipal do Concello de Cervo presentaron o cartel anunciador do primeiro concurso fotográfico sobre o Medio Ambiente “Cervo Respecta” para conmemorar o Día do Medio Ambiente, que se celebra anualmente o 5 de xuño.
Nota de Prensa
O CONCELLO PON EN MARCHA UN CONCURSO FOTOGRÁFICO PARA CELEBRAR O DÍA DO MEDIO AMBIENTE
Cervo, 31 de marzo de 2010.- O alcalde de Cervo, Alfonso Villares, e a concelleira de Medio Ambiente, Pilar Armada, presentaron esta mañá nas oficinas municipais o cartel anunciador do primeiro concurso fotográfico sobre o Medio Ambiente “Cervo Respecta”.
Segundo explicou Pilar Armada, esta iniciativa, que correu a cargo da delegación de Medio Ambiente, xorde para celebrar o Día do Medio Ambiente, que ten lugar anualmente o 5 de xuño. “Pensamos que era unha boa idea poñer en marcha un concurso fotográfico onde os aficionados podan amosar as súas creacións baseadas na natureza e tendo como base o seu respecto ao medio e á conservación do noso patrimonio natural” indicou a edil.
O certame está aberto a todos os interesados (xa sexan profesionais como afeccionados) e estableceu dúas categorías: xuvenil e adultos. Os premios consistirán en:
* Categoría adultos:
o 1º- Cerámica de Sargadelos + vale de 100 euros a gastar en establecementos do Concello de Cervo
o 2º- Cerámica de Sargadelos
* Categoría xuvenil:
o 1º- Vale de 100 euros en material deportivo
o 2º- Material escolar
Poderanse presentar un máximo de 3 fotografías por participante, teñen que ser orixinais e inéditas e terán que haber sido sacadas en calquera lugar da Comunidade Autónoma de Galicia. Deberanse presentar en formato dixital (JPEG) en alta calidade (sen compresión) a unha resolución mínima de 2048 píxeles sen limitación de tamaño en MB.
As fotografías presentaranse ou enviaranse nun sobre pechado consignando nel: “I Concurso Fotográfico de Medio Ambiente -Cervo Respecta” e contendo nel un CD coas imaxes a concurso, o título de cada foto e unha descrición co lugar e provincia onde foi tomada cada instantánea. Ademais deberán incluír un sobre pechado cos datos completos do autor.
As imaxes e a documentación presentaranse antes do venres 21 de maio na Casa do Concello ou na Casa da Cultura de San Ciprián. Tamén se poderán enviar con tódolos datos anteriormente sinalados a seguinte conta de correo electrónico: medioambiente@concellodecervo.com.
O fallo do xurado farase público o día 31 de maio e a entrega de premios celebrarase o sábado, 5 de xuño, coincidindo coa celebración do Día Mundial do Medio Ambiente.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
