Nota de Prensa
OS NACIONALISTAS SATISFEITOS DE QUE POR FIN SE ENTREGUEN AS VIVENDAS DE RÍO COVO NON COMPARTEN OS ACTOS DE AUTOBOMBO AO QUE O PP VOLVE SOMETER AOS ADXUDICATARIOS
E o PP quen ten que dar explicacións sobre o retrasos na execución e entrega destas vivendas que foron anunciadas polo goberno local en 2001
A recuperación dos actos públicos nunha entrega de vivendas sociais non e mais que o sometemento dos adxudicatarios á propaganda e autobombo do PP
Sería bo que o Conselleiro aproveitara a súa asistencia ao acto de entrega para anunciar novas vivendas sociais en Cervo
Cervo, 17 de marzo de 2010. O BNG mostrouse satisfeito de que por fin se faga entrega das vivendas sociais de Río Covo que foron executadas pola anterior Consellaría de Vivenda e Solo en 2005, 4 anos despois de que o goberno municipal as anunciara en 2001. Os nacionalistas lembran que a anterior Consellaría de Vivenda e Solo abriu o proceso de adxudicación provisional en decembro de 2006 e o goberno municipal, responsábel deste trámite, aínda non tiña resolto este proceso en abril de 2008. A adxudicación definitiva foi resolta pola Comisión de Vivenda en abril de 2009, aínda polo anterior goberno galego, e tiveron que pasar 11 meses para que se entreguen aos seus adxudicatarios. Para o BNG os responsábeis dos retrasos na entrega das vivendas están claros, catro anos para o inicio da construción, dous para adxudicación e case un para a súa entrega, suman oito anos nos que o PP no goberno da Xunta, no goberno local e finalmente na Xunta tiveron a responsabilidade de adiantar todo o proceso.
A satisfacción pola entrega destas vivendas non se corresponde cos actos de autobombo co que o PP somete aos seus adxudicatarios.
Os nacionalistas cervenses non comparten a recuperación por parte do Partido Popular dos actos públicos na entrega de vivendas sociais, anulados polo anterior goberno galego. O BNG satisfeito de que por fin se faga entrega das chaves das vivendas sociais de Río Covo, “matizan que este tipo de actos de entrega non debería producirse xa que aos adxudicatarios non se lles regala nada, cúmprese coa responsabilidade social dunha administración pública na construción de vivendas a prezo taxado que deberán pagar os seus adxudicatarios”. O portavoz municipal nacionalista, Xoán Antón Estúa, acusou ao Partido Popular de pretender atribuírse méritos que non lles corresponden a conta duns adxudicatarios despois de ter oito anos parado o proceso de construción e adxudicación”
O único mérito do PP nas vivendas de Río Covo está na cesión dos terreos, mais tamén ten o demérito de atrasar a súa entrega durante oito anos.
Estúa lembrou que foi o goberno local quen anunciou a construción destas vivendas en 2001 e ate o cambio de goberno en 2005 non se iniciou a súa construción pola anterior Consellaría de Vivenda e Solo, que xa en decembro de 2006 notificou ao concello que debía abrir o proceso de preselección, e este tardou dous anos en inicialo. O nacionalista incidiu na crítica ao retraso na adxudicación ao lembrar que entre a posterior adxudicación definitiva en abril de 2009 e a entrega o vindeiro luns pasou case un ano no que o PP xa estaba ao mando do Instituto Galego da Vivenda e Solo. Para Estúa “o único mérito do PP nestas vivendas está na cesión dos terreos á Xunta, mais tamén ten o demérito de retrasar o proceso de construción e entrega definitiva durante oito anos”
Sería unha boa noticia que Agustín Hernandez aproveitara o acto de entrega para anunciar novas vivendas de promoción pública
Para o BNG sería unha boa noticia que Agustín Hernandez, Conselleiro de Medio Ambiente e Territorio, que acudirá á entrega das vivendas sociais de Río Covo aproveitara para anunciar a novas vivendas sociais en Cervo. Para Estúa, con este anuncio daríase cimprimento a compromisos electorais do concelleiro e Parlamentar cervense, José Manuel Balseiro, que as estivo reclamando durante os últimos anos ao mesmo tempo que comprometía como Tte de Alcalde cervense, a cesión de terreos para a súa construción.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
