RIBADEO (FNC).- O alcalde de Ribadeo, Fernando Suárez, lamenta que non fose aprobada definitivamente en pleno a ordenanza municipal contra a contaminación acústica e critica a falla de coherencia amosada por algúns dos partidos da oposición.
O rexedor sinalou que “é de lamentar que non foi adiante a aprobación definitiva da ordenanza contra a contaminación acústica, colleitou o voto en contra de todos os grupos da oposición e o voto a favor do grupo de goberno, pero ao estar en minoría non saiu adiante. Acepto o resultado da votación, pero me chama moito a atención vindo de quen ven por varios motivos, esta ordenanza que se aprobou inicialmente no ano 2006 sendo alcalde outra persoa co voto a favor do seu partido, o PSOE, e se abriu un período de exposición pública onde o rexedor anterior convidou por carta a varios colectivos afectados, entre eles a Asociación de Comerciantes, por si tiñan algo que dicir. E ninguén ou casi ninguén presentou alegacións agás algún particular que estaba moi preocupado polo tema do ruido, pero ninguén máis fixo alegacións, nin o PP presentou ningunha e desde logo o PSOE, que daquela gobernaba, votou a favor desta aprobación inicial da ordenanza”.
Suárez Barcia lembrou que “hai máis ou menos un ano quixen traela a debate dos grupos para plantexar a súa aprobación definitiva de cara á súa entrada en vigor, todos os grupos me pediron tempo e creo que houbo tempo dabondo para estudiar esta ordenanza, como non deron sinais de vida voltei a plantexala nunha comisión informativa a semana pasada e todo o mundo se reservou máis ou menos para o pleno”.
Sentencia xudicial
O alcalde considera que “onte se viu a cuadratura do círculo en moitas cousas, primeiramente o máis chocante foi a actitude do PSOE e seu portavoz, que pasou de defender hai tres anos esta ordenanza sen fisuras a rexeitala de plano sen fisuras, cando o alcalde actual non lle cambiou nin unha triste coma. Tamén me sorprendeu a actitude do PP porque non presentou alegacións no período de exposición pública e agora finalmente vota en contra dunha ordenanza como moitas outras ordenanzas que hai no noso territorio cercano. A ordenanza de Foz é si cadra máis restrictiva que a que se pretendía aprobar aquí en Ribadeo e non creo que o sector dos pubs teñan máis problemas en Foz que en Ribadeo, o mesmo pasa en Burela, o mesmo pasa con outras localidades nos que este tipo de ordenanzas están vixentes desde hai anos, como en Vigo, na Coruña, etc… pero cunha salvedade aquí, o Concello de Ribadeo está condeado en firme por sentencia xudicial a pagar desde hai varios anos a un particular unha cantidade fixa e periódica mensual de maneira indefinida en tanto o Concello non arranxe o problema da contaminación acústica. Eu por coherencia, por aprobar inicialmente esta ordenanza no 2006 non sendo alcalde, e agora sendo alcalde por coherencia pretendíamos aprobala e pensei que a coherencia non soamente estaba instalada nas nosas filas senón tamén nas dos demáis”.
A Fernando Suárez dóelle que “as cousas non saian adiante, pero cando se goberna hai que tomar decisión e ás veces desde a oposición se pode facer unha política máis de tirar a pedra e esconder a man, ou non responsabilizarse de determinadas cuestións, que estando no goberno sí que hai que facer. Quíxeno plantexar e sabendo que ían estar en contra puiden optar entre retirala ou votala, pero os meus compañeiros e máis eu entendemos que por coherencia tiñamos que levala a pleno. Alguén no fragor dun debate se pode crer vencedor ou victorioso, pero a marea sube e baixa para todos e haberá que ver cómo pasa o tempo e cómo vai derivando esta situación”.
Fonte de Porto e mocións
O alcalde manifestou que “o resto do pleno tamén foi interesante dado que por fin se aprobou por unanimidade a declaración de utilidade de interese público da fonte de Porto na parroquia de Vilausende, á vista de que moitos veciños viñeron testemuñar que esa fonte sempre fora pública e que o Concello cando iniciou a súa recuperación hai un ano o facía de boa fé e agora, despexada todo dúbida, agora o Concello ten que rematala e facer unha fonte emblemática para uso e disfrute dos veciños de Porto, dos de Vilausende e do resto do concello”.
No capítulo de mocións foi aprobada por unanimidade, ainda que incluindo diversas enmendas, a presentada por UPRI sobre o peche da oficina do ISM. A relativa ao rexeitamento das corridas de touros contou cos votos a favor do BNG, a abstención do PSOE e os votos en contra de PP e UPRI. Foi aprobada cos votos a favor de BNG, UPRI e PSOE e cos votos en contra do PP unha moción presentada polo BNG en defensa das UXFOR. BNG, PSOE e UPRI respaldaron unha moción de Unións Agrarias sobre a supresión de axudas da PAC, que contou cos votos en contra do PP. Igualmente BNG, PSOE e UPRI votaron a favor doutra moción do Sindicato Labrego Galego sobre as axudas da PAC, mentras que o PP se abstivo. Tamén foi aprobada por unanimidade unha moción do PP sobre a non tributación polo IVE de facturas non cobradas por autónomos e PEMES. E PP e BNG presentaron sendas mocións de adhesión ao manifesto Galicia ten dereito que contaron cos votos a favor de BNG, PP e UPRI e coa abstención do PSOE.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
