LUGO .- O Presidente da Fundación TIC e da Deputación, José Ramón Gómez Besteiro, presentou este mércores a proxección de dúas miniseries para internet desenvolvidas durante este curso polos alumnos da Escola de Imaxe e Son de Lugo, o único centro da provincia que imparte ensinanzas do eidio audiovisual. O acto, que tivo lugar no Pazo de San Marcos, contou coa participación dos equipos de rodaxe, alumnos e docentes da EIS.
Gómez Besteiro destacou que “esta é a primeira vez que os nosos alumnos elaboran miniseries on line, un formato que calou en profundidade nos últimos anos entre o público. Por tanto, estamos formando a futuros profesionais que entenden a potencialidade do audiovisual e das novas tecnoloxías”. Neste senso, o Presidente provincial lembrou que “o principal obxectivo da Fundación é a inserción laboral dos nosos alumnos, e os traballos audiovisuais para internet supoñen un dos nichos de emprego con máis proxección”.
Proxecto integrado
As dúas miniseries, “Fugadedescerebrados” e “Cero veinte”, son o resultado do traballo conxunto de alumnos e profesores do módulo de proxecto integrado do 2º curso dos ciclos superiores de Realización e de Produción. Ambalas dúas foron rodadas integramente nas instalacións da Escola.
“Fugadedescerebrados”, no que que participaron 13 técnicos e 5 actores, conta a historia dun home que é ingresado nun hospital pisquiátrico e as relacións que establece co resto dos seus compañeiros, especialmente, con dous deles. Os trastornos, a paixón e a angustia mestúranse na vida dos tres persoaxes.
En canto a “Cero veinte”, amosa as relacións persoais e profesionais dos traballadores dunha emisora de radio. Céntrase especialmente nun programa de noite. Neste caso, a ficha técnica está formada por 15 alumnos e a artística por 5.
Colaboracións Fundación
Dende a Fundación tamén se apoia os primeiros pasos dos alumnos no mercado laboral coa colaboración, a través da súa participación, na rodaxe de películas como a curta “Triste soledad de un violinista”, que se realizou hai unhas semanas en Sarria ou do documental “Garbo, Hitler…e Araceli”. A Fundación tamén gravou integramente, coa participación de bolseiros da EIS, o vídeo musical “Torres de Compostela” da cantante do Incio Lucía Pérez que terá unha proxección internacional.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
