A MARIÑA .- A vicepresidenta segunda da Deputación, Lara Méndez, visitou os traballos de mellora que se están á a levar a cabo na estrada provincial que vai de Burela por Vilaestrofe a Rúa, no Concello de Cervo. Lara Méndez explicou que a Deputación está a investir 6,1 millóns de euros no acondicionamento de 10 estradas pertencentes a 11 Concellos mariñanos: Ourol, Viveiro, Xove, Foz, Mondoñedo, Alfoz, Barreiros, Ribadeo, Lourenzá, A Pontenova e Cervo.
Nota de Prensa
Lara Méndez destaca que “a Deputación está plenamente volcada coa Marina e cos seus veciños. Estamos realizando un esforzo moi importante para mellorar as estradas, nas que estamos investindo preto de 1.000 millóns das antigas pesetas”
Nota de prensa
A Deputación inviste máis de 6 millóns de euros no acondicionamento de estradas da Mariña
– O organismo provincial mellora con fondos propios 50 quilómetros de vías pertencentes a 11 Concellos de todas as cores políticas
– Lara Méndez destaca que “a Deputación está plenamente volcada coa Marina e cos seus veciños. Estamos realizando un esforzo moi importante para mellorar as estradas, nas que estamos investindo preto de 1.000 millóns das antigas pesetas”
– A Vicepresidenta Segunda supervisou os traballos de mellora que se están a levar a cabo na CP 1502, en Cervo, e que non foran incluídos no proxecto aprobado polo anterior goberno da Deputación
A Vicepresidenta Segunda da Deputación, Lara Méndez, acompañada de técnicos provinciais supervisou este xoves os traballos de mellora que o organismo provincial está a levar a cabo na estrada provincial CP 1502 que vai de Burela por Vilaestrofe a Rúa, no Concello de Cervo. Durante o transcurso da visita, a responsable provincial anunciou que a Deputación está a investir 6,1millóns de euros no acondicionamento de 10 estradas pertencentes a 11 Concellos mariñanos: Ourol, Viveiro, Xove, Foz, Mondoñedo, Alfoz, Barreiros, Ribadeo, Lourenzá, A Pontenova e Cervo.
Lara Méndez destacou que “a Deputación está plenamente volcada cos Concellos da Mariña e cos seus veciños. Esta mesma semana o Presidente estaba na Pontenova e hoxe visitamos outras obras. Estamos realizando un esforzo moi importante para mellorar as estradas, nas que estamos investindo preto de 1.000 millóns das antigas pesetas. Son 50 quilómetros de vías pertencentes a 11 municipios que, ademais, son de todas as cores políticas”.
Os viais que está a mellorar o organismo provincial son os seguintes: Ourol (acondicionamento de 4 quilómetros da CP 3806, que enlaza este Concello con Sixto. O investimento é de 314.500 euros); Viveiro-Xove (mellora e renovación das CPs 2604, de Xove por Monte a Valcarría, dende o punto quilométrico 13,000 ó 18,950; e da 6607 de Infanta a Valcarría, dende o 0,000 ó1,710. Estas dúas actuacións teñen un investimento de 537.000 euros); Foz (acondicionamento das CPs 2001 de Ver a Vilaxoane, dende o punto quilométrico 0,000 ó 2,280; e da 2002 de Reiriz a Espiñeira, dende o 0,400 ó 0,900. O custe da primeira é de 255.274 euros e, o da segunda, de 399.150 ); Mondoñedo-Alfoz e Foz (mellora da CP 3101, dende o punto quilométrico 0,000 ó 13,229. O investimento neste caso ascende a 1.156.859 euros); Barreiros-Ribadeo (acondicionamento da CP 0610 Altar-Reinante-Os Castros, dende o 9,920 ó 12,380, por valor de 488.469 euros); Lourenzá (mellora da estrada que vai de San Xurxo a Arroxo, nun treito de 2,100 quilómetros e cun investimento de 591.152 euros); A Pontenova (acondicionamento da CP 4803 de Pontenova a Augaxosa nun treito de 11 quilómetros e cun investimento de 849.400 euros); e Cervo (acondicionamento, afirmado ensanche e mellora de tres treitos da CP 1502 que vai de Burela por Vilaestrofe a Rúa. Suman 5,4 quilómetros e un investimento de 1.427.999 euros).
Remate do afirmado da CP 1502
Precisamente, Lara Méndez supervisou os traballos de mellora que a Deputación está a levar a cabo na estrada de Cervo. Nestes momentos, remataron os traballos de aplicación de aglomerado en quente no treito que vai dende o punto quilométrico 2,600 ó 5,400. A estrada estará finalizada no prazo dun mes, xa que tan só falta o pintado e a sinalización vertical.
A Vicepresidenta Segunda, quen anunciou que o organismo provincial construirá unha rotonda para facilitar o acceso a Burela, Sargadelos e a Rua, destacou que “esta é unha obra moi importante para os veciños deste municipio, xa que se trata dun treito que quedaría en terra segundo a previsión do anterior goberno e agora estámola facendo na súa totalidade con fondos propios. Ten moita afluencia de tráfico, polo que esta vía non podía quedar así”. En total, o organismo provincial invistiu no asfaltado, ensanche e mellora deste vial 1.273.104 euros.
A Deputación xa asfaltou en xaneiro de 2009 un treito de 2,600 quilómetros desta mesma estrada, que formaba parte do POL 2005. Neste caso, o proxecto aprobado polo goberno do Partido Popular só prevía o asfaltado de 900 metros mentres que nos outros 1.700 tan só se contemplaba unha capa de zahorra. Tralas xestións realizadas pola Vicepresidenta Segunda, deuse a máxima prioridade a esta obra, consignando unha partida orzamentaria dentro dos Presupostos da Deputación para ese ano.
Para estes traballos o organismo provincial destinou 154.895 euros. Cando chegou o actual equipo de goberno da Deputación, o expedente de expropiación da obra estaba sen tramitar e, polo tanto, non se dispoñían dos terreos necesarios para realizar os traballos. O actual equipo de goberno axilizou todo procedemento expropiatorio para que non se perdesen os fondos europeos.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
