FOZ .- A Comisión Focega en Defensa da Sanidade Pública remitiu unha carta a xerente do SERGAS solicitándolle que cumpra o acordo da anterior reunión, na que se comprometeu a que, a finais do pasado ano ou a principios do actual, “nos volveríamos a xuntar” co fin de “avaliar un informe que vostedes elaborarían sobre as urxencias médicas na zona de influencia do PAC de Burela”. A comisión urxencias médicas de Foz explica que “nos non somos uns impacientes,levamos moitos anos con esta xusta demanda, nin somos uns irresponsables, nin intransixentes, nin tampouco persoeiros importantes. Pero somos persoas dignas, honradas, decentes e honestas. Merecedoras de respecto e de un trato xusto, e non e de recibo que se nos ignore e desprece de esta maneira”.
REFERENCIA
Foz a 02 de Marzo de 2010
Estimada Señora.
Como vostede ben sabe, o 09 de Setembro de 2009, representantes da Comisión Focega en Defensa da Sanidade Pública tivemos unha xuntanza con representantes da Consellería de Sanidade, encabezados por vostede, para falar sobre o servizo de urxencias médicas no Centro de Saúde do Concello de Foz.
A esta reunión tamén asistiu o diputado e secretario do parlamento de Galicia, o Sr Balseiro.
Como vostede tamén ben sabe nesa xuntanza acadamos un compromiso. O compromiso consiste en que no fin do ano, ou a principios do ano seguinte (2010), nos volveríamos a xuntar para avaliar un informe que vostedes elaborarían sobre as urxencias médicas na zona de influencia do PAC de Burela (usuarios do servizo, media diaria de usuarios, tempos de espera, usuarios do Concello de Foz, etc).
Pasados os meses de Decembro de 2009 e Xaneiro e Febreiro de 2010 sen ter recibido convocatoria para a reunión comprometida, por medio da presente, queremos recordarlle o incumprimento e solicitarlle que proceda a convocarnos para poder ter dita xuntanza.
Nos non somos uns impacientes (levamos moitos anos con esta xusta demanda), nin somos uns irresponsables, nin intransixentes, nin tampouco persoeiros importantes. Pero somos persoas dignas, honradas, decentes e honestas. Merecedoras de respecto e de un trato xusto, e non e de recibo que se nos ignore e desprece de esta maneira.
Así que solicitámoslle que nos convoque a xuntanza acordada.
Saudos cordiais.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
