LUGO .- O vicepresidente da Deputación de Lugo, o nacionalista Antón Bao, informou hoxe que a Rede museísitica provincial, dependente da área de Cultura, vai celebrar unha serie de actos e desenvolver unha programación específica con motivo da conmemoración do Día Internacional da Muller.
Nota de Prensa
A ÁREA DE CULTURA DA DEPUTACIÓN DESENVOLVE UNHA PROGRAMACIÓN CENTRADA NA CELEBRACIÓN DO DÍA INTERNACIONAL DA MULLER
O conxunto de actividades, con charlas, videoconferencias, exposicións e mesas redondas desenvolverase en todos os centros da Rede Museística Provincial ao longo da vindeira semana
Antón Bao lembrou a importancia de levar a cabo desde institucións culturais actividades didácticas que promovan o desenvolvemento dunha sociedade máis xusta desde a perspectiva de xénero e en todos os aspectos da vida
LUGO, 5 de marzo de 2010. O vicepresidente da Deputación de Lugo, o nacionalista Antón Bao, informou hoxe no transcurso da rolda de prensa posterior á Xunta de Goberno, fóra dos asuntos da orde do día, de que a Rede Museísitica Provincial, dependente da Área de Cultura da Deputación, vai celebrar unha serie de actos e desenvolver unha programación específica con motivo da conmemoración do Día Internacional da Muller (8 de marzo). Segundo informou Antón Bao, dentro deste programa de actividades, o mércores 10 de xaneiro ás 20:30 horas inaugurarase unha exposición no Museo Provincial de Lugo que leva por título “Feminismo galego: cambios sociais e dereitos das mulleres”. Esta exposición, organizada pola Área de Cultura da Deputación coa coordinación da fundación Galiza Sempre e en colaboración co Ministerio de Educación e a Deputación da Coruña, poderá ser visitada no refectorio do Museo de Lugo desde o día 10 ao 22 de marzo. Antón Bao engadiu que “a carón desta exposición, o mesmo día da inauguración vaise desenvolver unha conferencia sobre o mesmo tema (feminismo galego: cambios sociais e dereitos das mulleres), que contará coa profesora e escritora lucense Carme Blanco e Ana Luísa Bouza.
Por outra banda, no resto de centros da Rede Museística Lucense vaise desenvolver unha programación co alusivo título de “a arte de ser muller nun mundo por compartir”. Segundo explicou
Antón Bao, esta programación foi elaborada desde a Área de Cultura da Deputación “coa idea de trazar unha perspectiva de xénero desde distintas experiencias, culturas, políticas e orixes étnicas, pero compartindo sempre un obxectivo común: o desexo de superar a violencia e constituír o mundo que queremos baseado na paz, a xustiza , a liberdade, a igualdade e a solidariedade”. Neste camiño, do 4 ao 15 de marzo, no Museo de San Paio de Narla, grupos de escolares participarán nunha actividade que se chamou “Didáctica para o desenvolvemento desde unha perspectiva de xénero”, que será impartida por Francisca Abuín , Encarna Lago e Ana Ferro.
O 10 de marzo, no Museo do Pazo de Tor, terá lugar unha mesa redonda baixo o título “Muller e discapacidade. A arte de ser muller”, un encontro no que participarán mulleres vinculadas na súa vida ou traballo co eido da discapacidade e que estará moderado pola xerente da Rede Museística, Encarna Lago.
Por último, no Museo do Mar de San Cibrao, vanse desenvolver dúas actividades o día 13 de marzo. Dunha banda, terá lugar unha exposición en videoRede “Xenéricas”, que está percorrendo América e contou coa participación de mulleres de Galiza, Arxentina, Perú, Brasil, Uruguai, Canarias e Extremadura. Nesta ocasión, no Museo do Mar, participará a través de videoconferencia a comisaria desde Arxentina, Micaela Fernández. No Museo do Mar tamén se celebrará unha mesa redonda na que participarán mulleres redereiras, mariscadoras, panadeiras, directivas e artistas que compartirán as súas experiencias vitais orientándose á celebración en 2010 do ano internacional do achegamento entre culturas e o propio día da muller traballadora.
Asuntos do día
Dentro dos asuntos do día da Xunta de Goberno, o vicepresidente da Deputación de Lugo deu conta da aprobación e concesión de subvencións a asociacións culturais e deportivas e concellos pola realización de actividades. Antón Bao explicou que recibirán a subvención correspondente a Asociación Asamblea Cooperación pola Paz, cun importe de 2.977,60 euros, o Club Piragüismo Altruan de Ribadeo recibirá 1.503,65 euros e a ANPA do CEIP Veleiro do Campo (Castro de Rei) 1.778,63 euros. Dentro da liña de investimentos en instalacións de carácter cultural e equipamentos culturais dirixidos aos concellos, o Concello de Burela recibirá 3.000,00 euros para equipamento e o de Sarria 4.359,00 euros para investimentos.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
