LUGO .- 900 establecementos e de carácter rural e máis de 100 produtos autóctonos de 37 Concellos da provincia optan as marcas de calidade da Deputación Lug02 e Lugo Sabe, distintivos de garantía de calidade do organismo provincial para as empresas turísticas e de produtos autóctonos das Reservas da Biosfera Terras do Miño, Eo-Oscos-Terras de Burón, Os Ancares, e da comarca do Courel
Nota de Prensa
Case 1.000 establecementos optan ás marcas de calidade da Deputación denominadas Lug02 e Lugo Sabe
– 900 establecementos rurais e máis de 100 produtos autóctonos poderán conseguir estes distintivos que diferenciarán ó sector turístico e ós productos autóctonos como referentes en España
– Un restaurante ou hotel con esta marca deberá incluír no menú produtos autóctonos e telos á venda
– Gómez Besteiro entregou hoxe os diplomas á primeira ducia de empresas que acadaron as marcas, logo de participar nun proxecto piloto
O Presidente da Deputación, José Ramón Gómez Besteiro, anunciou este luns a posta en marcha no mes de maio das marcas Lug02 e Lugo Sabe. Son os distintivos de garantía de calidade do organismo provincial para as empresas turísticas e de produtos autóctonos das Reservas da Biosfera Terras do Miño, Eo-Oscos-Terras de Burón, Os Ancares, e da comarca do Courel. 900 establecementos de carácter rural e máis de 100 produtos autóctonos de 37 Concellos da provincia optan ós distintivos da Deputación que buscan xerar riqueza coa posta en valor dos recursos naturais e o uso das novas tecnoloxías.
O titular do organismo provincial fixo este anuncio durante a entrega de diplomas á primeira ducia de empresas rurais e de alimentos autóctonos que lucirán as marcas Lug02 e Lugo Sabe, logo de participar nun proxecto piloto que levou a cabo a Deputación nos últimos meses. Gómez Besteiro salientou que “o obxectivo desta iniciativa é convertir ás empresas turísticas e alimenticias da provincia nun referente en España que se traduza en beneficios económicos. Lug02 e Lugo Sabe garanten servizos e produtos de auténtica calidade, ó tempo que fomentan as boas prácticas medioambientais. Sen dúbida, o medio ambiente á a nosa oportunidade económica”.
Requisitos dos distintivos
A marca Lug02 está dirixida a establecementos turísticos como hoteis, balnearios, campamentos, casas rurais, pazos, restaurantes ou comercios. Este distintivo, ademais de rexirse polas Normas de Calidade Turística –ICTE- que avalan servizos óptimos como accesos para persoas con discapacidade, material informativo en todos os idiomas, infraestruturas de calidade ou atención de persoal cualificado, está ligado á implantación das novas tecnoloxías, á conservación do medioambiente e ó impulso dos produtos alimenticios da provincia.
As empresas Lug02 deben garantir a conexión a Internet, favorecer o emprego de fontes de enerxía renovables, reducir a xeración de residuos, o consumo da luz, agua e incluír medidas encamiñadas á educación ambiental e á sensibilización co entorno natural. Este distintivo obriga a ser punto de comercialización de produtos Lugo Sabe, de alimentos coa Denominación de Orixe, coa Indicación Xeográfica Protexida ou rexistrados no Consello Regulador da Agricultura Ecolóxica de Galicia –CRAEGA-. Deste xeito, no caso dun restaurante ou dun hotel, deberase incluír no menú o consumo destes produtos e mesmo ter lugares de venda.
A marca Lugo Sabe ofrece produtos autóctonos sometidos a rigorosas prácticas hixiénicas e de control en toda a cadena de fabricación: produción, envasado, envalaxe, almacenamento e distribución.
O obxectivo desta marca é revalorizar o produto agroalimentario e, en paralelo, a Deputación está a traballar na creación dun portal web para súa a compra on-line, evitando intermediarios na cadea de distribución e, por tanto, mellorando e aumentando as posibilidades de negocio. Ó mesmo tempo, esta iniciativa dará a coñecer os alimentos Lugo Sabe ós empresarios de fóra da provincia, xa que gañará espazo de distribución.
Ambas as dúas iniciativas enmárcase no programa medioambiental da Deputación Lug02 dotado de 5 millóns de euros, co-financiado nun 70% con fondos FEDER, e nun 30% polo organismo provincial. Trátase dun proxecto que busca crear riqueza na província mediante a posta en valor dos recursos naturais das 3 Reservas da Biosfera, e do Courel.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
