A MARIÑA .- Unhas trinta empresas do sector da asesoría, xestoría e consultoría de A Mariña asinarán un protocolo co GDR nun acto público que foi convocado para o martes, día 2 de Marzo, ás sete da tarde na Casa da Xuventude en Mondoñedo.
NOTA DE PRENSA
O VINDEIRO MARTES, 2 DE MARZO, TERÁ LUGAR O ACTO DE SINATURA DE PROTOCOLOS ENTRE O GDR E AS EMPRESAS DE ASESORÍA, XESTORÍA E CONSULTORÍA DA MARIÑA.
Ao redor de trinta empresas do sector asinarán este protocolo nun acto público que foi convocado para o martes, 2 de Marzo, ás 19:30 horas na Casa da Xuventude en Mondoñedo.
Despois do primeiro contacto mantido desde o GDR coas empresas na xuntanza convocada por este o pasado 9 de Febreiro, na que se propuxo a sinatura dun protocolo de colaboración na difusión do Programa Leader 2077-2013, o interese suscitado foi en aumento.
Se nun primeiro momento acudiron á cita en torno a unha quincena de representantes das empresas, a día de hoxe esa cifra duplícase e na oficina do Grupo de Desenvolvemento Rural seguen recibindo solicitudes de información e adhesión ao Protocolo de diferentes empresas da comarca.
Por medio da sinatura deste Protocolo, o GDR adquire o compromiso de poñer a disposición dos particulares interesados no Programa información sobre as empresas asinantes do Protocolo, na medida en que presten os servizos de consultoría ao respecto. Igualmente brinda o seu equipo técnico para a asistencia dos profesionais na elaboración dos distintos proxectos. En canto á cláusula referente ás empresas, estas comprométense a divulgar entre a súa clientela a existencia e as diferentes liñas de axuda do Programa Leader.
A día de hoxe, segue a ser posible adherirse ao Protocolo de colaboración e pode facerse poñéndose en contacto co persoal do GDR nos teléfonos 982.50.71.11 ou 648.92.13.10 ou persoalmente nas oficinas sitas na Casa da Cultura de Mondoñedo.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
