RIBADEO (FNC) .- O concelleiro de Medio Ambiente, Horacio Cupeiro, participou en Pont de Suert (Lleida) na xuntanza mantida entre a Reserva da Biosfera Río Eo, Oscos e Terras de Burón e a Asociación Alto Ribagorza.
Cupeiro manifestou que “foi unha reunión moi importante ainda que entre as dúas asociacións hai unha considerable diferencia presupostaria. Mentras eles reparten un orzamento de 5 millóns de euros anuais durante os vindeiros cinco anos, nós temos 2 millóns de euros ao ano. A pesares desa diferencia a estrutura e os proxectos que estivemos vendo poden ser interesantes. Movémonos polo territorio para comprobar o seu desenvolvemento, xa que eles levan funcionando desde o ano 2008”.
O edil nacionalista explicou que “a Asociación Alto Ribargorza está formada por 14 concellos, once aragoneses e tres cataláns. Están a desenvolver proxectos nunha zona de montaña, que pouco ten que ver coa nosa reserva, aínda que nós tamén temos zona de montaña e de aí poderíamos sacar ideas interesantes para levar adiante na Fonsagrada e na zona alta do noso territorio e despois habería que acoplar a parte de Ribadeo, Castropol e a zona media de A Pontenova con proxectos de deseño novo”.
No encontro celebrado en Pont de Suert “estivemos vendo desde o punto de vista administrativo os pasos seguidos para a sinatura do convenio correspondente, abríronnos vías para non cometer erros e para non dlitar máis todo o proceso. Tamén visitamos explotacións gandeiras, agrícolas, plantacións de árbores frutais e rutas de sendeirismo, que para esa zona de montaña e de esquí son moi importantes. A parte que máis nos interesaba ver era como fixeron co espazo radioeléctrico para dar cobertura en todo o entorno rural e esperamos camiñar rápido para empezar a desenvolver os proxectos que realizaremos desde a nosa Reserva da Biosfera”. A delegación que viaxou a Pont de Suert estivo formada por unha veintena de persoas entre as que se atopaban alcaldes, concelleiros de Medio Ambiente e técnicos.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
