NOTA DE PRENSA:
A Comisión 2ª de Obras Públicas do Parlamento de Galicia avala a proposición non de lei do Grupo Popular para que se retome o proxecto de creación de solo empresarial máis ambicioso dos previstos no norte da provincia de Lugo
PROSPERA A INICIATIVA DO DEPUTADO POPULAR BALSEIRO POLA QUE SE SOLICITA Á XUNTA A RECUPERACIÓN DO PROXECTO DE CREACIÓN DO CINTO INDUSTRIAL DE ALCOA QUE O BIPARTITO DEIXOU SEN EFECTO EN XULLO DE 2008
* Esta nova área industrial, sita entre os concellos de Xove e Cervo, servirá como imán para atracción de novas empresas e como pulo para xerar novas oportunidades de emprego, algo imprescindible –recorda o PP- para loitar contra a crise e o paro.
* PSOE e BNG acordaron en xullo de 2008 deixar sen efecto o plan sectorial que incluía esta actuación, sen avaliar as súas consecuencias negativas para A Mariña, e sen ofrecer alternativa ningunha a cambio.
* A aprobación desta iniciativa foi posible en exclusiva grazas aos votos dos deputados populares, que en todo caso lamentaron non contar tamén co apoio de PSOE e BNG.
Santiago, 11 de xaneiro de 2009.- No seo da Comisión 2ª de Obras Públicas do Parlamento de Galicia celebrada na tarde de hoxe prosperou a iniciativa promovida polo deputado do Partido Popular, José Manuel Balseiro Orol, a través da que se solicitaba á Xunta a recuperación do proxecto de creación do cinto industrial no contorno da multinacional do alumino ALCOA, sita entre os concellos lucenses de Xove e Cervo. A Cámara galega avala deste xeito a proposición non de lei do Grupo Popular pedíndolle ao novo Executivo galego que retome a iniciativa de creación de máis de 250.000 metros cadrados de solo industrial (nunha primeira fase), que o catapultan como o proxecto máis ambicioso dos previstos no norte da provincia de Lugo.
Con data 31 de xullo de 2008, o Consello da Xunta de Galicia, daquela dirixida por PSOE e BNG, acordou deixar sen efecto o Plan Sectorial de Ordenación das Áreas Empresariais da nosa comunidade autónoma que, entre outras actuacións, incluía a creación do cinto industrial de ALCOA. Foi, polo tanto, o Goberno bipartito quen anulou esta posibilidade sen avaliar os prexuízos que esta mala decisión carrexaría no conxunto das bisbarras da Mariña lucense e, sen ofrecer alternativa algunha a cambio. É polo que na súa intervención o deputado popular, Balseiro Orol, foi moi crítico coa posición mantida polas antigas forzas do Goberno bipartito ás que directamente acusou de pretender malograr este proxecto por unha cuestión de sectarismo (os concellos de Xove e Cervo están gobernados polo PP) e de manobrar deste xeito tan negativo para os intereses desta comarca polo total esquecemento que o bipartito tiña da Mariña lucense.
MÁIS EMPRESAS, MÁIS EMPREGO
En opinión do Partido Popular, esta nova área industrial que hoxe se chama a recuperar servirá como imán para atracción de novas empresas e como pulo para xerar novas oportunidades de emprego, algo imprescindible na loita contra a crise e o paro. Ademais suporía unha actuación complementaria e imprescindible para o caso de que, no futuro, o Goberno central decida, tal e como lle reclama a Xunta, a apertura do dique norte de Morás ao tráfico xeral comercial. O cinto industrial de Alcoa ofrecería unha ampla oferta de solo para todas as empresas que quixeran aproveitar este novo porto comercial ou, en todo caso, que desexen instalarse nun área, escollida no seu día pola multinacional do aluminio ALCOA, pola súa situación estratéxica e por ser un espazo de paso estratéxico das principais relacións comerciais e mercadorías.
ABSTENCIÓN DO BIPARTITO
A aprobación desta iniciativa foi posible en exclusiva grazas aos votos dos deputados populares, que en todo caso lamentaron non contar tamén co apoio de PSOE e BNG. Ambas formacións políticas pretendían aprobar dúas emendas inaceptables, segundo a opinión do PP, que a través da súa iniciativa pretendía establecer un consenso sobre a recuperación deste proxecto de solo industrial, algo que finalmente non foi posible.
O PSOE cometía incluso o erro de pedir que fora Xestur, a empresa pública da Xunta quen desenvolvera este proxecto cando se trata dunha iniciativa que impulsaba outra sociedade Suelo Empresarial del Atlántico (SEA), de natureza mixta, participaba polo Goberno do Estado e pola Xunta. No tocante a posición do BNG estes pretendían suscitar dúbidas sobre a viabilidade do proxecto de cinto industrial para xustificar a decisión de anulalo, adoptada cando eles tiñan responsabilidade de Goberno e, precisamente, a iniciativa da Consellería de Vivenda –xestionada polos nacionalistas-. O PP lembroulle ao BNG que existe un informe técnico elaborado por unha compañía independente e de grande prestixio que avala a idoneidade do proxecto de cinto industrial no contornod e ALCOA e que subliña o seu carácter estratéxico e a súa potencialidade para o desenvolvemento económico do conxunto da Mariña lucense.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
