NOTA DE PRENSA:
A deputada do Grupo Popular participou esta mañá como ponente sobre Medio Rural nas Mesas de Traballo organizadas hoxe en Ribadeo por Novas Xeracións da Mariña, nas que interveu tamén José Manuel Balseiro
EMMA ÁLVAREZ SALIENTA OS 838 MILLÓNS DE EUROS COMPROMETIDOS ATA 2013 COMO MOSTRA DO APOIO DO GOBERNO DE NÚÑEZ FEIJÓO AO SECTOR LÁCTEO
* A parlamentaria destacou que, ademais do Plan Estratéxico do Sector Lácteo, o Goberno da Xunta deseñou nos seus primeiros meses de xestión un amplo paquete de medidas urxentes para frear a crise do sector, que mobilizaron máis de cen millóns de euros.
Santiago, 27 de febreiro de 2010.- A deputada do Grupo Parlamentario Popular Emma Álvarez salientou hoxe que os 838 millóns de euros comprometidos no período 2009-2013 demostran o apoio decidido do Goberno de Núñez Feijóo ao sector lácteo, dentro das medidas artelladas desde a súa chegada á Xunta para loita contra a crise que está a padecer. Álvarez participou esta mañá como ponente sobre Medio Rural nas Mesas de Traballo organizadas hoxe en Ribadeo por Novas Xeracións da Mariña, nas que interveu tamén José Manuel Balseiro.
A deputada centrou a súa intervención nas liñas de actuación postas en marcha ou previstas pola Consellería de Medio Rural para a presente Lexislatura, centrándose moi especialmente no sector lácteo, e rematou facendo un balance do realizado en 2009.
A parlamentaria destacou que, ademais do Plan Estratéxico do Sector Lácteo, o Goberno da Xunta deseñou nos seus primeiros meses de xestión un amplo paquete de medidas urxentes para frear a crise do sector, que mobilizaron máis de cen millóns de euros. Entre as ditas medidas, lembrou que “Galicia foi, con moita diferenza, a Comunidade Autónoma que máis cartos destinou a axudas directas aos produtores lácteos, ata un máximo de un céntimo de euro por quilo de cota láctea”, ao que a Xunta destinou 20 millóns de euros, “fronte á ausencia total de axudas por parte do Goberno central”.
PAGAMENTO ÚNICO DA PAC
Así mesmo, resaltou, axilizáronse os trámites para o pagamento das solicitudes de modernización de explotacións, así como para a incorporación dos mozos á actividade agraria e se adiantou o pagamento das chamadas ‘axudas directas’ (popularmente ‘pago único’) da PAC para explotacións lácteas, mediante a formalización de préstamos con entidades bancarias. Outra liña urxente de actuación consistiu nun programa de apoio ao capital circulante, mediante resolución do Instituto Galego de Promoción Económica (IGAPE), explicou Emma Álvarez, quen tamén se referiu ás actuacións no ámbito industrial. De entre elas, destacou o compromiso de Queserías Entrepinares de instalar a súa factoría en Vilalba (Lugo), “que suporá un investimento total de 25 millóns de euros, a creación de 40 postos de traballo, e a recollida de, cando menos, 60 millóns de litros de leite de vaca por ano, que facilitarán a elaboración de 7.000 toneladas de queixo de barra e untable, cando estea a pleno rendemento”.
A deputada popular resumiu as liñas xerais do Plan Estratéxico do Sector Lácteo, centrado no redimensionamento, competitividade e diversificación das explotacións leiteiras de Galicia; concentración, competitividade e diversificación da estructura industrial e cooperativa; racionalización da loxística de recollida e dos sistemas de subministración; dseño e implantación dun sistema de vertebración, autorregulación e estabilidade sectorial; potenciación e especialización do I+D+I do sector lácteo gandeiro de Galicia; potenciación e diversificación do sector queixeiro de Galicia; e deseño dunha estratexia de diferenciación, comunicación, imaxe e promoción do sector lácteo galego e dos seus productos integrantes.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
