NOTA DE PRENSA
O GMPP pide que se pare a baixada das pensións.
Os populares Pedre e Barcia afirman que moitos pensionistas bureleses viron como lles baixaban as súas pensións.
O PP asegura que “é un golpe baixo contra os maiores”.
O PP de Burela presentou no concello unha moción para opoñerse claramente á reforma das pensións que vai levar a cabo o goberno de Zapatero, co apoio do BNG, que vota a favor dos presupostos do Estado para 2010..
Os populares Luis Miguel Pedre Díaz e José María González Barcia asinan esta moción que pide que non se recorte o poder adquisitivo dos pensionistas galegos, entre eles, un millar de bureleses. Os populares entenden que este é un golpe baixo contra os nosos maiores, e solicitan un pronunciamento claro da corporación municipal de Burela. Consideran Pedre e Barcia que non se pode encher a boca falando de defensa dos dereitos sociais, como fai o bipartito burelés, e ó mesmo tempo calar ante semellante atentado contra os nosos maiores.
Os edís populares afirman que o Goberno de Zapatero vén de anunciar unha reforma do sistema de pensións e a posibilidade de retrasar a idade de xubilación aos 67 anos. Un debate improvisado que está a crear alarma entre a sociedade, posto que, en plena crise económica, e por primeira vez en moitos anos, todos os pensionistas perderán poder adquisitivo.
Pedre e Barcia entenden que os pensionistas son os que máis están a sufrir os erros económicos do Goberno de Zapatero. As nóminas dos pensionistas este ano son inferiores ás do ano pasado. As pensións de moitos galegos veranse recortadas a través dun incremento no IRPF aplicable ás súas pagas, entre eles moitos pensionistas do noso concello.
Por se fose pouco, o Goberno do Partido Socialista eliminou, precisamente este ano, a dedución de 400 euros que prometeu na campaña electoral de 2008. Unha dedución que foi outra decisión improvisada, que non beneficiou ós que máis a necesitaban e que supuxo un importante esforzo das arcas públicas. Agora, no peor
momento da recesión, en lugar de manter esta axuda que Zapatero vendeu como respaldo ás familias en tempos de crise, retírana para todos por igual, sen ter en conta a dramática situación de moitas familias e, por suposto, dos pensionistas.
O Goberno central está a ocultar a verdadeira situación da Seguridade Social:
* Desde xullo de 2007 perdéronse máis de 1,5 millóns de cotizantes.
* 3 millóns de persoas están a cotizar só mentres lles dure o paro.
* A Seguridade Social está gastando a un maior ritmo (7%) do que ingresa (0%).
* O superávit desplomouse un 30%.
E todo esto, segundo Pedre e Barcia, co apoio do BNG, que votou a favor dos presupostos presentados por Zapatero para 2010. Non se pode decir, como dicen os do bipartito burelés, que se defenden os dereitos sociais, cando se están apoiando medidas que poñen en risco que os maiores cheguen a fin de mes.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
