CERVO .- O goberno do Concello de Cervo presentará no vindeiro pleno municipal unha proposta de alegacións á modificación puntual das normas urbanísticas da zona de Lieiro, a cal está promovida dende o propio Concello e cuxa aprobación inicial tivo lugar o pasado mes de decembro.
NOTA DE PRENSA
O GRUPO DE GOBERNO LOCAL PROPORÁ NO PLENO QUE A MODIFICACIÓN DAS NORMAS URBANÍSTICAS DE LIEIRO TAMÉN INCLÚA AO BAO E ROZABELLA
Cervo, 9 de febreiro de 2010.- O grupo de Goberno do Concello de Cervo presentará no vindeiro pleno municipal unha proposta de alegacións á modificación puntual das normas urbanísticas da zona de Lieiro, a cal está promovida dende o propio Concello e cuxa aprobación inicial tivo lugar o pasado mes de decembro.
Segundo indicou o rexedor cervense, Alfonso Villares, as alegacións consisten na solicitude de ampliación da zona inicialmente acordada polos técnicos como área de catalogación de núcleo rural ata os lugares de O Bao e Rozabella.
No proxecto inicial de modificación das normas urbanísticas de Lieiro aprobado en decembro pasado estas dúas zonas mantiñan o seu carácter de solo urbanizable. “Agora, unha vez aberto o período de alegacións e despois de escoitar as suxestións e peticións de veciños e propietarios, decidimos solicitar á Xunta que tamén inclúan estes dous puntos dentro da área de núcleo rural” indicou o alcalde.
A modificación das normas urbanísticas de Lieiro é unha iniciativa do grupo de Goberno local aprobada de xeito inicial o pasado 2 de decembro pola corporación municipal cervense. Con este cambio normativo o Concello pretende que unha superficie de 28.000 metros cadrados, correspondentes ao asentamento orixinario de Lieiro e situada ao sur da vía de Feve, deixe de ser zona urbanizable e se converta en solo de núcleo rural.
Alfonso Villares lembrou que o obxectivo do Goberno local é “protexer un núcleo de poboación, xa asentado e moi singularizado, pola tipoloxía tradicional das súas edificacións e pola súa vinculación coa explotación racional dos recursos naturais”.
Todo elo co fin último de “evitar que se poidan levar adiante actuacións urbanísticas que podan poñer en perigo a ordenación racional desta área e a preservación dos valores existentes na mesma”, agregou.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
