BURELA (FNC) .- Os orzamentos de Burela para 2010 que ascenden a 6,1 millóns de euros aprobaránse inicialmente no pleno ordinario previsto para o vindeiro xoves ás 20:00 horas. O alcalde asegura que se trata duns presupostos realistas e responsables.
Alfredo Llano sinala que “os orzamentos están pensados e condicionados pola situación económica e polos tempos difíciles que estamos a vivir. Os presupostos sufren un descenso do 10% con respecto aos do ano pasado e situánse nos 6,1 millóns de euros fronte aos 6,7 do 2009. A baixada ven motivada porque os ingresos de natureza corrente e tributaria como son os impostos, as taxas e prezos públicos non van subir. Fixemos un cálculo de acordo cos ingresos do ano pasado, témolos de referencia e pensamos que non van subir. Tamén tivemos en conta o descenso que se produciu nos impostos sobre construccións, instalacións e obras e nas taxas urbanística e por ocupación de dominio público. Básicamente aquí está a baixada máis notoria que temos no noso Concello, como en todos os Concellos da comarca e no resto da provincia”.
O rexedor de Burela manifesta que “hai que engadir que as transferencias correntes procedentes do Estado tamén baixan un pouco e as da Xunta tampouco serán o que eran, co que vímonos na obriga de facer uns presupostos realistas, acordes cos tempos que estamos a vivir e pensando en aforrar o máximo posible. Non temos que queixarnos moito este ano, non hai moito para inversións pero sí que temos un plan E que achegará ao Concello de Burela 800.000 euros. Trátase dunha boa cantidade destinada a investimentos na nosa vila, que se engaden as posibilidades de inversión que ten o Concello e despois están os outros 200.000 euros tamén dese plan para políticas sociais”.
Llano agarda que “durante todo o ano aparezcan indicadores positivos e que poidan vir a Burela outros fondos adicionais a modo de subvencións, de axudas… para complementar algunha partida procedente do Estado e da Xunta e tamén temos que contar coa Deputación Provinvial de Lugo. Nós procuramos facer as cousas da mellor maneira posible, teremos que estar moi atentos aos gastos, pero tamén hai que dicir que están garantidos todos os nosos servizos e os soldos dos funcionarios. Os orzamentos perden en cuantía con respecto aos de 2009, pero non quere dicir que non se vaian a levar adiante os compromisos adquiridos para este 2010. Estas contas resúmense nunha palabra que é responsabilidade”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
