RIBADEO (FNC) .- O alcalde de Ribadeo acusa a algúns sindicatos e grupos da oposición de difamar e minar a credibilidade do equipo de goberno coas declaracións que están a realizar nas últimas xornadas sobre a negociación colectiva. Fernando Suárez asegura que non haberá subas de soldo pola cara.
O rexedor dixo que “se están a producir acusacións nos últimos días, por unha banda sindicatos de cabreados e por outra grupos de oposición, que o único que pretenden é difamar e minar a credibilidade do equipo de goberno e do seu alcalde, están a dicir cousas que non son certas e que eu quero desmentir esto con total rotundidade”.
Fernando Suárez manifestou que “no goberno municipal encargamos a un organismo independente, como é a Universidade de Santiago de Compostela, a redacción dunha relación de postos de traballo, precisamente porque unha serie de sindicatos nos dixeron hai un par de anos que debería ser elaborada deste xeito e non como se fixera anteriormente que se elaborara desde dentro do Concello e así houbo unha serie de resultados que todo o mundo coñece”.
O alcalde seguiu a relatar que “unha vez elaborada esa relación de postos de traballo foi ensinada aos diferentes sindicatos para que fixesen as súas aportacións. Hai uns sindicatos que presentaron unha serie de alegacións e outros, os menos, que non queren saber nada de dialogar sobre esa materia. As valoracións que desa RPT se deriven e no caso de que poidamos chegar a un acordo entre o goberno municipal e os sindicatos será absolutamente dentro do marco da legalidade e da situación económica do Concello, polo que ningún traballador debe esperar que se lle vaia subir o soldo pola cara, desde logo o goberno municipal non vai plantexar eso”. Suárez Barcia engadiu que “nós xa dixemos alto e claro, cos informes técnicos que avalan esta postura, que non podemos entregar cantidades en concepto de gratificacións por servizos que non se teñen prestado. De aí que si hai algunha proposta para subir o salario dalgún traballador será a costa de que este traballador faga máis cousas das que ven facendo ata o de agora e será desde o momento en que eso sexa efectivo, nunca con efectos retroactivos”.
O rexedor insiste que está a negociar cos sindicatos, “si froito desta negociación hai un acordo terá que ir ao pleno da Corporación, que formamos catro grupos políticos e lembro unha vez máis, que para ben ou para mal o goberno municipal non ten a maioría. Esto non é unha decisión arbitraria do alcalde. En todo caso o que estou advertindo nos últimos tempos é que quizáis haxa algún sindicalista que non está de acordo co que di a Universidade de Santiago xa que non se propón ningún suba e está disgustado ou disgustada e dispara contra todo o que se move, enreda con todos os grupos da Corporación para ver si poden danar o crédito do grupo de goberno municipal. Pero eu estou moi por enriba desas críticas e estou posto aquí polos veciños de Ribadeo, durante o tempo que estea, para tentar racionalizar a situación laboral e a situación tanto interna como externa do Concello e sinceramente e coa man no corazón o que máis me preocupa agora é a situación externa, a moita diferencia do que poida haber dentro por moitos agravios que puideran producirse no pasado”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
