CERVO .- O alcalde de Cervo, Alfonso Villares, estivo inspeccionando as obras de mellora do trazado entre San Román de Vilastrofe e Burela que está a desenvolver a Deputación de Lugo para elaborar un informe no que lle pedirán a Deputación que solvente eivas antes de que rematen os traballos
Nota de Prensa
O CONCELLO SOLICITARÁ Á DEPUTACIÓN O ARRANXO DE DEFICIENCIAS NAS OBRAS QUE ESTÁ A DESENVOLVER ENTRE SAN ROMÁN E BURELA
* O alcalde e técnicos municipais inspeccionaron o trazado da vía para elaborar un informe no que lle pedirán ao ente provincial que solvente estas eivas antes de que rematen os traballos
Cervo, 16 de febreiro de 2010.- O alcalde de Cervo, Alfonso Villares, estivo inspeccionando esta mañá xunto con técnicos municipais as obras de mellora do trazado entre a parroquia cervense de San Román de Vilastrofe e o Concello de Burela que está a desenvolver a Deputación de Lugo.
O obxecto de esta revisión era detectar as posibles eivas e deficiencias das obras “para atallalas antes de que a obra estea finalmente rematada” indicou o rexedor local. Segundo Villares, as deficiencias detectadas refírense principalmente aos enlaces da estrada provincial coas carreteiras locais e as máis graves sitúanse basicamente na estrada que vai á Alleira (no cruce de San Román coñecido como “da Estatua”) e na zona dos Feás (na estrada que vai a Rúa polo Seixoso).
No primeiro punto -a estrada que vai á Alleira- os técnicos municipais detectaron un perigo evidente para a seguridade vial, posto que a rampla de conexión da estrada provincial con este vial presenta deficiencias e desprendementos de terra, polo cal o Concello solicitará da Deputación a construción dunha escollera para evitar así o derrubamento do firme.
No outro punto máis conflitivo -o cruce da estrada provincial co vial local dos Feás- o Concello de Cervo detectou eivas nos traballos dos sistemas de canalización e recollida das augas pluviais. “A maiores distas dúas –sinalou o alcalde- atopamos outras deficiencias que tamén lles serán comunicadas ao longo desta semana aos responsables de Deputación mediante un informe municipal para que o teñan en conta e podan subsanalos antes de que rematen as obras de mellora desta estrada” indicou Villares.
O alcalde cervense felicitouse polo próximo remate destes arranxos e lembrou que os mesmos naceron a proposta do Concello de Cervo que no seu momento promoveu a súa realización con cargo a fondos provinciais. Neste senso lembrou que a lentitude por abordar esta actuación por parte do actual grupo de goberno provincial suscitara unha “innumerable” cantidade de queixas de veciños e do propio consistorio, “pero parece que por fin será unha realidade” sinalou.
Villares lembrou que estas obras proceden do Plan Operativo Local provincial do ano 2006, cando o Partido Popular tiña a responsabilidade de Goberno na Deputación lucense. Daquela o organismo provincial adxudicara as obras de ensanche e mellora do trazado entre a estatua do filántropo D José Álvarez (na parroquia de Vilastrofe) ata o limite co municipio de Burela -incluída a construción dunha ponte sobre o río Xunco- por valor de 420.000 euros. A este investimento inicial hai que engadir tamén os 391.489 euros aportados en xuño do pasado ano polo actual goberno bipartito provincial para as obras de asfaltado de dito vial.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
