FOZ .- O Diario Oficial de Galicia publica hoxe a licitación das obras de mellora da rede de abastecemento do municipio lucense de Foz. A Consellería de Medio Ambiente, Territorio e Infraestruturas inviste nesta obra un total de 1.960.213 euros, dos 2.178.014 euros do custe total desta obra, é dicir, o 90 % da actuación. O 10% restante será aportado polo Concello de Foz.
Nota de Prensa
MEDIO AMBIENTE LICITA AS OBRAS DE MELLORA DA REDE DE ABASTECEMENTO DO CONCELLO LUCENSE DE FOZ POR MÁIS DE 2 MILLÓNS DE EUROS
* Esta actuación, inclúe melloras de elementos existentes e construción doutros novos, encamiñados a aumentar a capacidade de abastecemento e a calidade das augas tratadas
* A delegada territorial, Raquel Arias, que a semana pasada xa explicou o proxecto aos portavoces dos grupos políticos con representación no consistorio focense, indica que as obras está previsto que estén rematadas no ano 2011
Lugo, 24 de febreiro de 2010.- O Diario Oficial de Galicia (DOG) anuncia hoxe a licitación das obras de mellora da rede de abastecemento do municipio lucense de Foz, tal e como xa anunciara a delegada territorial da Xunta en Lugo, Raquel Arias, na visita que realizou a Foz para explicar o proxecto aos representantes dos grupos políticos con representación no consistorio focense.
A Consellería de Medio Ambiente, Territorio e Infraestruturas inviste nesta vila un total de 1.960.213 euros, dos 2.178.014 euros do custe total desta obra, é dicir, o 90 % da actuación. O 10% restante será aportado polo Concello de Foz. Arias indicou que “as obras serán executadas pola Xunta de Galicia e o prazo de execución sitúa no 2011 a data de remate desta mellora longamente esperada polos veciños de Foz”.
Esta actuación prevese que sexa iniciada no próximo verán e forma parte dos proxectos nos que Augas de Galicia participa financeiramente, debido á escasa capacidade das entidades locais para sufragar os custos deste tipo de obras. Nese senso, as obras obxecto deste acordo corresponden á construción de infraestruturas en concellos que teñen un orzamento insuficiente para financiar as mesmas.
En concreto, estas actuacións axudarán a dotar ao Concello de Foz, que actualmente conta cun censo poboacional de 10.000 habitantes e que nos meses de período estival chega a triplicarse, dunha maior capacidade hidráulica no seu sistema de abastecemento, a través dun aumento do caudal dispoñible, e así proporcionar unha maior calidade final da auga.
O proxecto hidráulico
Esta actuación hidráulica do departamento que dirixe Agustín Hernández foi examinada e supervisada pola Área de Programación e Seguimento de Obras de Augas de Galicia. Así, o proxecto de obra inclúe melloras de elementos existentes e construción doutros novos, encamiñados a aumentar a dotación de abastecemento e a calidade das augas tratadas. Así, actuarase en cinco puntos da rede de abastecemento:
Na captación existente no río Ouro limparase a vexetación existente e se procederá ao dragado para aumentar o caudal dispoñible para o abastecemento.
Ademais, procederase á construción dun novo depósito de 4.089 metros cúbicos de capacidade, que se instalará xunto ao xa existente, de paneis pretensados con cámara de chaves, que aumentará a capacidade de regulación e almacenamento da rede. Executarase un muro de escollera para a contención de terras e un peche conxunto dos dous depósitos.
Outro punto de actuación será no sistema de condución e captación da estación de tratamento de auga potable (ETAP) de Foz. Levarase a cabo unha limpeza da vexetación, dragado e estabilización de marxes na canle natural; mentres que na canle de formigón retiraranse os materiais deteriorados, e procederase ao entubado e impermeabilización local do parámetro interior para evitar filtracións, así como á protección de marxes e noiros con gavións e malla metálica.
Na propia ETAP de Foz renovarase a estrutura metálica dos cinco filtros de area e as instalacións interiores de saída da auga tratada, liña de aire e lavado de filtros polo seu estado deficiente e envellecido. Isto permitirá aumentar o rendemento da planta para garantir o caudal de bombeo actual, próximo aos 300 metros cúbicos/hora. Tamén se inclúe a execución dun novo peche da parcela na que se ubica a ETAP.
Por último, tamén se actuará no depósito de Fazouro, ao que chega –mediante bombeo- a auga tratada na ETAP de Foz. Farase unha rehabilitación interior e exterior con reimpermeabilización integral da cuberta deste depósito existente con capacidade para 3.900 metros cúbicos e cambiaranse as conducións de fibrocemento de entrada e saída por outras de fundición dúctil.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
