LUGO .- Máis de 1.300 autónomos de todos os concellos da provincia e de todos os sectores presentaron solicitudes para o programa de Apoio o Tecido Empresarial segundo indicou a vicepresidenta segunda de Deputación Lara Méndez que sinalou que ““Isto demostra que o Programa de Apoio o Tecido Empresarial, pioneiro nas Deputacións de España, é un éxito”
Nota de Prensa
A Deputación aforra cartos ás PEMES cun programa personalizado anti-crise para facelas máis competitivas
– Aberto o prazo de inscrición para Lugo Compite+, unha iniciativa pioneira e totalmente gratuíta dirixida ás pequenas e medianas empresas do centro da provincia para sobrevivir á crise económica
-O Concello de Lugo contribuirá á captación de empresas ás que a Deputación desprazará expertos económicos para diagnosticar os seus problemas e aplicar estratexias que aseguren a súa supervivencia
– O programa sufragado pola Deputación inclúe 6 semanas de asesoramento individualizado e confidencial, un servizo que no mercado custaría entre 4.500 e 6.000 euros por empresa
O Presidente da Deputación, José Ramón Gómez Besteiro, a Vicepresidenta Segunda, Lara Méndez, e a Concelleira de Economía e Emprego de Lugo, Sonia Méndez, presentaron este luns Lugo Compite+. Trátase dun novidoso programa anti-crise impulsado polo organismo provincial, totalmente personalizado e dirixido ás pequenas e medianas empresas da zona centro da provincia co obxectivo de facelas máis competitivas para sobrevivir á crise económica.
A provincia conta cunhas 1.300 PEMES, é dicir, empresas de entre 10 a 200 asalariados que, debido a crise, enfróntanse a situacións que cómpren de solucións urxentes para asegurar a supervivencia. “O programa sufragado ó cen por cen pola Deputación de Lugo, polo tanto con custe cero para as empresas participantes, e que denominamos Lugo Compite Máis, vailles axudar a afianzarse da forma máis práctica e profesional”, explicou o Presidente.
A Deputación ofrece ás PEMES 250 horas de asesoramento empresarial personalizado e útil. O titular do organismo provincial subliñou que “en época de crise hai que reiventarse. As administracións deben adaptarse ás necesidades, e promover iniciativas que tornen as dificultades económicas en oportunidades. Por iso, este é un novidoso programa anti-crise que non dicta filosofía, senón que se mete nas tripas e no corazón de cada negocio para solucionar problemas reais. Este é o seu valor engadido”.
Expertos económicos coñecerán in situ, na propia empresa, as oportunidades das participantes fronte ós seus competidores para, primeiro, asegurar a súa permanencia e, logo, consolidar as melloras e potenciar un crecemento sostible. Ademais de ser un programa gratuíto para as PEMES, afórralles cartos porque a contratación desta consultoría suporía un investimento por empresa de entre 4.500-6.000 euros, segundo os prezos reais no mercado de hoxe.
Desenvolvemento do programa
Dende hoxe, a Deputación habilitou na súa páxina web: www.deputacionlugo.org un apartado onde inscribirse. O Concello de Lugo colabora na captación de empresas. Todas as prazas quedarán cubertas rapidamente polo que nos vindeiros días o equipo de consultores comezará a traballar man a man coas empresas inscritas. Durante 6 semanas, e sempre de forma personalizada, analizarán o estado da empresa. Por exemplo: a posición no mercado, o desenvolvemento do produto, rendemento, etc… Diagnosticarán confidencialmente os problemas de cada área empresarial, ensinaranlles técnicas e ferramentas específicas de dirección en tempo de crise, establecerán prioridades e fixarán un calendario para aplicar estratexias de actuación que ofrezan solucións urxentes e prácticas.
Gómez Besteiro subliñou que a Deputación renova o compromiso co tecido empresarial da provincia e que este programa anti-crise engádese a outras medidas máis globais como foron: a redacción do primeiro Plan Estratéxico da Provincia de Lugo; os centros de recría para as razas frisona e rubia, referentes para os gandeiros; a transformación do medio ambiente na oportunidade económica provincial –co Km0, a certificación medioambiental das praias da Mariña, etc-; ou a implantación do programa Innovate para que administración electrónica na provincia permita, por exemplo, a facturación on line ás empresas.
O Presidente explicou que en dous anos “xa contribuímos a manter postos de traballo na Mariña e na Ribeira Sacra, onde preto de 50 empresas aproveitaron os programas da Deputación destinados á difícil sucesión nas empresas familiares. Ofrecimos tamén un programa de creación de empresas ós empresarios lucenses que residen no exterior. Hoxe presentamos este novidoso programa anti-crise para a zona centro da provincia que será extraodinariamente útil”.
Complementario ás axudas para autónomos
Lara Méndez, responsable da área de Promoción Económica do organismo provincial, destacou o esforzo da Deputación neste programa, máis cando este tipo de competencias corresponden á Xunta de Galicia. “A iniciativa complementa o programa de axuda ós autónomos, no que a Deputación investiu en dous anos 1.400.000 euros en subvencións”, explicou. O INLUDES resolverá nas vindeiras semanas as novas axudas dirixidas ós autónomos despois de recibir a derradeira documentación complementaria dos interesados.
A Deputación recolleu dende o mes de outubro máis de 1.300 solicitudes de autónomos de todos os Concellos da provincia e de todos os sectores. “Isto demostra que o Programa de Apoio o Tecido Empresarial, pioneiro nas Deputacións de Espana, é un éxito”, concluiu a Vicepresidenta Segunda.
Póla súa banda, Sonia Méndez aplaudiu a inciativa do organismo provincial, e salientou que “en época de crise é fundamental que todas as administracións poñan en marcha accións a favor das empresas”. Neste senso, lembrou que o Concello de Lugo habilitou un Centro de Empresas e Innovación onde se implantaron unhas 15 entidades. “A supervivencia destas empresas é do cen por cen grazas ó asesoramento que reciben, e a atención personalizada que redunda na súa competitividade segundo marca ademais a Unión Europea. Por iso, o Concello tiña que sumarse ó proxecto da Deputación”, apuntou.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
