CERVO .- Gas Galicia, a empresa concesionaria do subministro deste combustible no termo municipal de Cervo ampliará a súa rede distribución ata o núcleo de Río Cobo e no Concello din que axilizarán os trámites para que todo o municipio poda contar con servizo de gas cidade.
Nota de Prensa
O CONCELLO AXILIZARÁ OS TRÁMITES PARA QUE TODO O MUNICIPIO PODA CONTAR CON SERVIZO DE GAS CIDADE
* Gas Galicia pretende ampliar ata Río Cobo a rede de distribución inicialmente prevista no proxecto inicial
* O Concello procurará facilitar que os distintos núcleos de poboación do municipio poidan contar con este servizo canto antes
Cervo, 23 de febreiro de 2010.- A empresa Gas Galicia, concesionaria do subministro deste combustible no termo municipal, ven de solicitar no concello de Cervo licencia de obras para ampliar a súa rede distribución ata o núcleo de Río Cobo.
Segundo o alcalde, Alfonso Villares, a intención da empresa é aproveitar os traballos de construción da rede contemplada inicialmente e que están a desenvolver actualmente para estendelos ata o núcleo de Río Cobo e poder así dar tamén servizo a esta área de poboación do termo municipal. “Deste xeito -sinalou- as vivendas de Río Cobo unirase a San Ciprián e ao polígono de Cuíña en ser os primeiros núcleos onde a empresa concesionaria ten previsto ofertar este servizo”. A este respecto o alcalde asegurou que o Concello tentaría axilizar “ao máximo” tódolos trámites que sexan da súa competencia “para facilitar na medida do posible que todos os núcleos de poboación do noso concello poidan dispoñer do servizo de gas canto antes”.
Villares indicou tamén que esta ampliación da rede gasística solicitada por Gas Galicia poderá beneficiar tamén ás vivendas que se atopen no novo trazado que subministrará o gas dende os depósitos centrais de Cuíña ata Río Cobo “ampliando así o número de veciños que poderán disfrutar a custes rendibles desta enerxía alternativa, a cal, esperemos que se vaia estendendo paulatinamente polo noso termo municipal nun breve espazo de tempo” sinalou.
Convenio
O Concello de Cervo e Gas Galicia firmaron a principios deste mes un convenio consistente no arrendamento por parte do Concello á empresa concesionaria do subministro e da rede de distribución deste combustible no termo municipal dunha finca de propiedade municipal de 3.724 metros cadrados situada no polígono de Cuíña para a construción dunha planta satélite provisional de recepción, almacenamento e gasificación de gas natural licuado. A duración do arrendamento será de cinco anos prorrogables ata un máximo de dez por períodos anuais e por cada uno deles o Concello percibirá 10.800 euros máis IVA.
O Concello de Cervo leva xa tempo tendo en conta a proximidade da posta en marcha deste servizo. Por iso, dende hai un ano as obras de mellora acometidas nas rúas de San Ciprián xa contemplan as canalizacións deste servizo “co obxecto de non ter que volver a abrir as rúas ao tempo que axilizamos a posta en marcha do servizo” lembrou Villares.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
