NOTA DE PRENSA
O deputado do PPdeG eloxiou no pleno do Parlamento a actitude da Xunta de Galicia para elaborar un consenso, con ofrecemento de diálogo e organizacións de múltiples actos cos afectados e expertos, para unha resposta galega ante a inminente reforma da Política Pesqueira Común
BALSEIRO OROL: “GALICIA TEN QUE TER UNHA POSICIÓN DE PAÍS E LIDERAR A PROPOSTA DE REFORMA DA POLÍTICA PESQUEIRA COMÚN”
* Para o voceiro do Mar “o ano 2013 é un punto de inflexión para o noso mar e queremos que tamén o sexa para marcar un novo benestar dos homes e mulleres da pesca, da acuicultura e do marisqueo en Galicia”
* Balseiro insistiu na Europa das oportunidades, que contribúa a que a nosa comunidade dispoña dun sector pesqueiro saneado e eficiente, que se reforme o esgotado sistema de TACs e cotas, que se preserven o maior número de empregos na pesca coa homologación correspondente e o recoñecemento europeo da especificade da nosa flota artesanal e da nosa capacidade, forma e produción marisqueira
Santiago de Compostela, 9 de febreiro de 2010.- O voceiro do Mar do PPdeG, José Manuel Balseiro Orol, indicou hoxe no pleno do Parlamento que “Galicia ten que ter unha posición de país e liderar a proposta de reforma da Política Pesqueira Común mirando sempre cara o noso mar e coa suficiente forza en Europa” durante a súa intervención durante a comparecencia da Conselleira de Mar para informar sobre a proposta de Galicia para a reforma da Política Común de Pesca.
O voceiro do Mar eloxiou a actitude da Xunta na búsqueda do consenso, dende a participación e dende a experiencia, identificando o que non ten funcionado e facendo propostas novas “xurdindo unha resposta, en clave galega, para a reforma da Política Pesqueira Común”.Segundo Balseiro o PPdeG sempre defendeu que Europa non debía ser unha fonte permanente de incerteza e malas novas ou problemas “críamos e apostábamos pola Europa das oportunidades, tamén para a nosa pesca”.
Para o deputado popular non se pode caer “nin o euro-excepticismo propio dos nacionalistas que intenta botar balóns fóra e culpar de todo á maléfica Europa cando non poden ocultar a súa responsabilidade e complicidade na mala xestión do bipartito que levou á nosa pesca e marisqueo ao borde da ruína, nin cometer os erros dos socialistas que, ante o descrédito internacional da política de Zapatero non teñen fortaleza para defender a pesca como sector estratéxico”.
O mundo do mar, indicou Balseiro, dende a pesca artesanal á altura e grande altura,do marisqueo ata o cultivo acuícola e mexilloeiro son parte da nosa riqueza e son recoñecidos como produtos de calidade en todo o mundo polo que “é moito o que nos xogamos polo que é importante o que Galicia e o seu Goberno pode achegar, aportar, e enriquecer neste importantísimo debate que se está a producir no seo da Unión Europea”. Nese sentido cualificou de acertada a estratexia da Consellería do Mar co ofrecemento de diálogo, escoitando a todas as forzas políticas e coa organización de múltiples actos, foros, espazos onde os directamente afectados e os expertos souberon dar a visión do que se debe defender na proposta de reforma.
OPORTUNIDADE PARA GALICIA
Para o voceiro do Mar “o horizonte do 2013 debe ser unha oportunidade de volver a situar a Galicia e a Europa na vangarda”. Nese sentido avogou porque a nova política pesqueira común saiba dar resposta aos retos da nosa pesca, “que poña fin á imaxe dun sector pesqueiro pouco competitivo, incapaz de abastecer ao seu propio mercado, que corrixa o problema duns recursos normalmente sobre-explotados, que configure un mercado no que non existe plena mobilidade e plena equiparación cunha normativa harmónica no ámbito das titulacións e que o noso mexillón non saia perdendo e que as mariscadoras e mariscadores poidan facer o seu traballo coa garantía de que achegan o produto símbolo de calidade” .
Balseiro insistiu na Europa das oportunidades que contribúa a que a nosa comunidade dispoña dun sector pesqueiro saneado e eficiente, que se reforme o esgotado sistema de TACs e cotas, que se preserven o maior número de empregos na pesca coa homologación correspondente e o recoñecemento europeo da especificade da nosa flota artesanal e da nosa capacidade, forma e produción marisqueira.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
