LUGO .- A delegación territorial da Xunta en Lugo e Deputación provincial fan balance das incidencias causadas polo “Xynthia” na provincia de Lugo onde principalmente provocou incidencias en estradas e no subministro eléctrico.
| Nota de Prensa O amplo dispositivo despregado pola Deputación atende 55 incidencias na rede viaria causadas polo ciclón Xynthia – A estrada máis afectada foi a CP 1303, no Courel, polo que técnicos da Deputación desprazaranse a 1ª hora do luns ata o lugar para avaliar os danos e proceder canto antes ó seu arranxo – Nestes momentos, permanecen pechadas ó tráfico outras 3 estradas, 2 en Bóveda e outra en Paradela, porque a empresa eléctrica aínda non retirou o tendido derrubado polo vento – Máis de 80 efectivos, que estiveron en alerta dende as 12:00 horas de onte, traballan na retirada de árbores, asolagamentos e desprendementos rexistrados nas vías provinciais A Deputación continúa a traballar nas estradas provinciais para atender as incidencias acontecidas durante o paso do ciclón Xynthia que, malia que non deixou consecuencias de gravidade, as fortes rachas de vento rexistradas ó longo da noite ocasionaron a caída de árbores, asolagamentos nas estradas, así como desprendementos de terra que dificultaron a circulación en varios treitos da rede viaria provincial. As empresas adxudicatarias da Conservación Integral, así como o persoal dos servizo de Infraestruturas de Deputación están a traballar de xeito ininterrumpido para que as vías acaden a normalidade no menor tempo posible. En total, o organismo provincial mobilizou a 82 operarios que atenderon 55 incidencias, a maior parte pola presenza de pólas nas estradas. A máis salientable produciuse na estrada provincial CP 1303, que vai de Soane do Courel a Ferramuín, na que as intensas choivas levaron por diante a terra que sostén un treito duns 20 metros desta vía. Co obxectivo de proceder ó seu arranxo no menor tempo posible, os técnicos da Deputación desprazaranse ata o lugar a primeira hora do luns para avaliar os danos e tomar as medidas necesarias para iniciar as obras de reparación. Outras 3 estradas pechadas ó tráfico Nestes momentos, permanecen pechadas ó tráfico outras 3 estradas provinciais: 2 en Bóveda (CPs 0905 e 0901) e outra en Paradela (CP 0910). Malia que a Deputación xa retirou ás pólas que caeron nestas vías durante a noite, a causa de que aínda non se poida transitar por elas débese a que a empresa eléctrica aínda non retirou o tendido que foi derrubado polo intenso vento. O dispositivo despregado polo organismo provincial permanece en alerta dende as 12:00 do sábado ata as 20:00 horas do día de hoxe. Dende primeiras horas da mañá están a traballar a reo para restablecer ó tráfico as vías que sofriron algún tipo de dificultade. Precisamente, a rapidez coa que actuaron fixo posible que as estradas CP 2505, en Guitiriz; a CP 1611 en Castro de Rei; a CP 0801 en Begonte; e a 5401 en Baleira; xa poidan ser transitadas aínda que a primeira horas da mañá quedaron pechadas debido a presenza de árbores na calzada. | Nota de Prensa RAQUEL ARIAS CONSIDERA QUE A COLABORACIÓN DA POBOACIÓN PERMITÍU EXTREMAR A EFICACIA DA ACTUACIÓN ANTE O ‘XYNTHIA’ * O paso do temporal pola provincia deparou problemas puntuais de vías a causa da caída de árbores e cortes no subministro eléctrico que están prácticamente solucionados * A delegada territorial coordinou dende o mediodía de onte o comité provincial disposto pola Xunta para actuar ante as continxencias provocadas polo fenómeno meteorolóxico Lugo, 28 de febreiro de 2010.- A delegada territorial da Xunta, Raquel Arias, subliñou hoxe que “a colaboración ofrecida pola poboación nas tarefas de prevención ante o temporal Xynthia facilitou a eficacia do dispositivo en marcha dende o día de onte”. Arias, que coordinou o comité provincial de emerxencia, que estivo operativo na sede da Delegación Territorial de Lugo dende o mediodía de onte, valorou hoxe as consecuencias do temporal, que na provincia deparou problemas puntuais nas vías de comunicación e cortes localizados no subministro eléctrico. A representante do Executivo galego na provincia indicou que a caída de ramas e árbores a causa dos fortes refachos de vento provocou cortes en tramos de vías ao paso por O Courel, Friol, Monforte, Taboada e Ourol: Estas continxencias foron subsanadas polo persoal adscrito a Medio Rural e ao servizo de Infraestruturas, facilitando que a circulación polas vías dependentes da Xunta estivese normalizada en breve prazo. Así mesmo, dentro da provincia, onde os refachos de vento acadaron os 130 quilómetros por hora, producíronse tamén problemas por anegamentos en puntos de Viveiro e da comarcas da Terra Chá. Arias, que se desplazou ata a zona da Mariña para, acompañada polo xefe territorial de Mar, ter conta de xeito directo da situación nesa zona, onde se prevía que o Xynthia se amosase máis virulento, expuxo que durante a xornada de hoxe prevese que queden superados os cortes de subministro eléctrico que se produciron dende a entrada do temporal na provincia. As incidencias neste ámbito afectaron a zonas de Ourol, Navia de Suarna, Cospeito e A Pontenova. Nalgúns momentos da xornada de onte, os cortes chegaron a afectar a 20.000 abonados da provincia. Por último, a delegada territorial quixo agradecer o traballo desenvolvido por todos os participantes no operativo disposto, como os voluntarios de Protección Civil, as brigadas de Medio Rural, os bombeiros, os técnicos do 112 e o persoal de Deputacións e Concellos, entre outros. |
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
