Nota de Prensa
Yanes Ginzo continuará ó fronte do Partido Popular de Trabada
* Foi reelexido onte por aclamación durante a celebración dunha asamblea xeral
* Fíxase como principais obxectivos ampliar a afiliación e retomar todos os proxectos que o bipartito da Xunta “paralizou durante catro anos”
Trabada, a 3 de febreiro de 2010.- José Manuel Yanes Ginzo continuará ó fronte do Partido Popular de Trabada. Así o decidiron a última hora da tarde de onte por aclamación os militantes durante unha asamblea xeral á que asistiron, entre outros, o Presidente provincial José Manuel Barreiro e o Secretario xeral da formación José Manuel Balseiro.
Yanes Ginzo, que non negou a súa satisfacción por seguir a contar coa confianza da militancia, está acompañado na executiva por Celso Ramón Currás Fernández, Rafael Fernández Díaz, Martín Fernández Fernández, José María Fernández Vázquez, Oliva Lombardero Rey, Félix Antonio López Díaz, José López Gavín, Juan Francisco López Prieto, José Recio Barata, José María Rodil López, Gregorio Rodríguez Gasalla, Eva Rodríguez López e Pedro Ramón Yanes Fernández.
“É unha candidatura heteroxénea, na que se combina veteranía e xunventude para asegurar a continuidade da formación e na que se incorporan tamén representación feminina para darlle ás mulleres o protagonismo que merecen”.
Implicar ós veciños de Trabada no proxecto do Partido Popular, incrementando a afiliación sobre todo entre a xente moza, é precisamente un dos obxectivos que se marca José Manuel Yanes nesta nova andaina. “Queremos constituir un grupo de Novas Xeracións para asegurar a continuidade do partido e para incluir as inquedanzas deste sector poboacional no noso ideario político”, explicou.
Segundo adiantou na primeira reunión da xunta directiva tamén sopesarán a conveniencia de crear algunha secretaría e algunha comisión de seguemento sobre asuntos que se consideren de especial transcendencia para o municipio.
SECTARISMO DO BIPARTITO.-
O Presidente local do PP de Trabada tamén anunciou unha total colaboración co equipo de goberno municipal. “Non podería ser doutro xeito dado que eu son o alcalde”, indicou, “e imos traballar en retomar os temas que durante o goberno bipartito da Xunta quedaron totalmente paralizados polo sectarismo que o caracterizou”.
Neste contexto calificou coma “prioritario” a segunda fase das vivendas sociais; a dotación de banda ancha en todo o municipio; a posta en marcha dun centro de día; a concentración parcelaria na parroquia de Monte de Vilapena; aproveitar os potencias do municipio no eido das enerxías renovables; aprobar este ano o PXOM e dotar ás parroquias dunha rede de augas residuais.
A construcción de vivendas socias é, ó entender de Yanes Ginzo, transcendental para fixar poboación. “Xa tiñanos un proxecto e incluso lle venderamos ó promotor o chan necesario pero o anterior goberno da Xunta paralizou a iniciativa polo que o Concello tivo que readquirir os terreos que agora cedémoslle ó Instituto de Vivenda e Solo para que acometa a súa construcción”, explicou.
O Presidente do PP de Trabada tamén se laia de que o municipio neste intre non teña acceso á banda ancha. “En catro anos non se investiu nada neste asunto pero agardamos que nos vindeiros meses esta reinvindicación sexa realidade”. De feito, agarda que no núcleo urbano se principio en breve a colocar o cableado da fibra óptica e que despois, pouco a pouco, este servizo se amplíe a zona rural. Para elo está en conversas coa Xunta e Telefónica e agarda que tamén a través da asociación de municipios da Reserva da biosfera do río Eo, Oscos e Terras de Burón poidan avanzar neste eido, dado que contan este ano coa aportación por parte do Ministerio de Medio Ambiente e Medio Rural e Mariño de dous millóns de euros e parte deses cartos adicaranse a este fin.
Yanes Ginzo tamén se referiu ó gran potencial eólico co que conta o municipio e aboga por facer compatible o desenvolvemento deste potencial coa prevista ampliación da Rede Natura. Lembra neste eido que o anterior goberno da Xunta adxudicara a construcción de tres parques cunha pontecia conxunta de 98 megawatios, que agora están paralizados
A aprobación este ano do PXOM, “que temos xa moi avanzado pero que teremos que adaptar ó Plan do Litoral”, permitirá recuperar tamén outros proxectos como a construcción dunha residencia para a terceira idade ou un albergue de peregrinos.
José Manuel Yanes criticou que durante a etapa de socialistas e nacionalistas na Xunta “non se investira nin un euro, pese a que estaban comprometidos, en dotar de alcantarillado ás parroquias”. Unha circunstancia que, segundo salientou, trocou coa chegada de Feijoo á Xunta e, de feito, están adxudicadas xa dúas das actuacións que estaba previsto acometer, concretamente en Vilarbetote e Vilafernando, por importe de 235.000 euros.
ABANDONO DA DEPUTACIÓN.-
Yanes Ginzo tamén se queixou da lentitude coa que a Deputación está a tramitar a construcción do polígono industrial, para o que se está redactar o plan especial, pese a que hai consignación orzamentaria pendente para elo dende o anterior goberno provincial.
Critica asimesmo que se paralizara o remate da estrada Trabada-Sante-La Ría. “Son pouco máis de cinco quilómetros, cuxo proxecto estaba en fase de licitación e que contaba con 1,2 millóns de euros de presuposto, e que é fundamental para vertebrar a vía de comunicación dende a estrada N-640 á LU-132”, dixo.
Igual “desidía” detecta na conservación e mantemento dos 40 quilómetros de rede viaria provincial que hai no municipio e nas que, segundo salienta, “non se acomenteu nin a máis mínima laboura de mantemento polo que as estradas estanse a converter en corredoiras”.
OUTROS PROXECTOS.-
O Presidente do PP de Trabada tamén ten a vista posta noutras actuacións. Entre elas, continuar o arranxo das marxes do río Eo, iniciada o pasado ano pola Confederación Hidrográfica, e ampliar a área recreativa alí existente.
Fai referencia asimesmo ó proxecto que se está a redactar para converter en corredor verde o vello itinerario do tren mineiro e no que están implicados varios concellos e á “urxente” construcción da ponte de Abres sobre o río Eo, “fundamental para comunicar Galicia con Asturias sobre a que xa lle trasladei a miña inquedanza ó conselleiro de Medio Ambiente, Territorio e Infraestructuras e o propio Presidente do Principado de Asturias”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
