NOTA DE PRENSA
A Xunta corrobora que nos últimos orzamentos autonómicos deseñados por PSOE e BNG non había crédito orzamentario para licitar o equipamento da escola, polo que unha vez máis será un Goberno do PP quen leve adiante a apertura deste centro de benestar para nenos de entre 0 e 3 anos
BENESTAR CONFIRMA, EN RESPOSTA OFICIAL, QUE O GOBERNO BIPARTITO NON DESTINOU ORZAMENTO ALGÚN PARA A APERTURA DA ESCOLA INFANTIL DE FOZ
* Mentres que o bipartito non destinaba un só euro para a escola infantil despilfarraba máis de 456.000 euros en publicidade e propaganda, fronte aos 40.000 que se destinarán no exercicio actual a este fin
* Traballo e Benestar confirma que 42 nenas e nenos formalizaron a súa matrícula e a de Foz forma parte das 8 novas escolas infantís que impulsará neste primeiro trimestre o Consorcio Galego de Servizos de Igualdade e Benestar
A Mariña lucense, 11 de febreiro de 2010.- A través dunha reposta oficial por escrito ao deputado popular Jose Manuel Balseiro, a Consellería de Traballo e Benestar confirmar que o Goberno bipartito non destinou orzamento algún para a apertura da Escola Infantil de Foz. A Xunta de Galicia corrobora tamén, que nas últimas contas autonómicas deseñadas por PSOE e BNG, no 2009, non había crédito orzamentario para licitar o equipamento da escola, ratificando polo tanto as sospeitas dos populares.
Mentres que o bipartito non destinaba nin un só euro para a Escola Infantil si despifarraba máis de 456.000 euros en publicidade e propaganda, unha cantidade que contrasta cos 40.000 euros que destina no exercicio actual o novo Executivo autonómico a este fin.
Traballo e Benestar confirma tamén que 42 nenas e nenos formalizaron a súa matrícula na nova gardería de Foz e que o novo centro desta localidade, forma parte das 8 novas Escolas Infantís que impulsará neste primeiro trimestre o Consorcio Galego de Servizos de Igualdade e Benestar.
SERÁ UN GOBERNO DO PP QUE ABRA A ESCOLA
Unha vez máis queda acreditado o esquecemento no que incorría o Goberno bipartito cando se trababa de potenciar os servizos públicos de benestar na Mariña. Mentres que se sucedían as promesas e os anuncios propagandísticos o Executivo de PSOE e BNG esquecía o básico, incorporar no orzamento as partidas específicas para que a escola de Foz e outros centros puidera ter o respaldo presupuestario suficiente, para que puidera dispoñer dos recursos necesarios para facela realidade nun futuro próximo. Mentres que agora, a situación ten trocado, e será unha nova administración comandada polo Partido Popular quen leve adiante o proxecto, achegando os recursos económicos e materiais precisos para a apertura da nova Escola Infantil de Foz.
……..
Copia literal da resposta oficial sobre a Escola Infantíl de Foz
“Nos orzamentos do Consorcio para o ano 2009 non consta ningunha partida destinada á apertura da escola infantil no Concello de Foz.
Para licitar o equipamento non había crédito orzamentario no exercicio 2009. Nas próximas semanas será licitado o equipamento cara a posta en funcionamento da escola no primeiro trimestre deste ano, como xa fora anunciado no seu momento.
O orzamento destinado a publicidade no ano 2009 no Consorcio Galego de Servizos de Igualdade e Benestar ascendeu a 456.000 euros, fronte aos 40.000 que se destinarán no exercicio actual.
O pasado 15 de decembro rematou o prazo para a matriculación de nenos e nenas na escola infantil de Foz, presentándose un total de 45 solicitudes, todas elas admitidas. Finalmente formalizaron matrícula 42 nenos e nenas: 17 no tramo de 0-1, 21 no tramo de 1-2 e 4 no de 2-3
O Consorcio Galego de Servizos de Igualdade e Benestar porá en marcha neste primeiro trimestre oito novas escolas infantís, un total de 524 novas prazas, entre as que se atopa a de Foz. A oferta total do Consorcio para 0-3 anos superará, coa apertura destes centros, as 4.500 prazas.”
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
