LUGO .- O
vicepresidente da Deputación, o nacionalista Antón Bao, xunto ao delegado de Deportes da Deputación, Antonio Veiga recibiron no pazo de San Marcos aos seis xogadores lucenses que se proclamaron o pasado 14 de febreiro campións de España de Fútbol Sala coa selección sub 20 de Galiza. Os xogadores homenaxeados esta mañá, que fixeron parte no combinado nacional galego sub 20 foron: por parte do Azkar Lugo, Iago Míguez, Alejandro Míguez “Jandri” e Antonio Diz; e por parte do Burela FS, Brais García, Rubén García “Turero” e Manuel Jiménez Fraga “Manu”. Como recordo da súa homenaxe e a recepción no Pazo de San Marcos, os seis futbolistas lucenses recibiron de mans do vicepresidente e o do delegado de Deportes da Deputación un pequeno agasallo.
Antón Bao expresou no nome da Deputación de Lugo “a satisfacción que produce comprobar como as canteiras de ambos os dous clubs están a dar xogadores que poden participar na nosa selección nacional e ao mesmo tempo chegar a altas cotas no fútbol sala”. Así mesmo Bao destacou que “é este o traballo que debemos agradecer e o que debemos potenciar nos clubs deportivos da provincia de Lugo”, e continuou “un traballo de base que dea lugar a que xogadores lucenses estean disputando as máis altas competicións en calquera disciplina deportiva, neste caso no fútbol sala”.
Pola súa banda, o delegado da Área de Deportes da Deputación, o nacionalista Antonio Veiga, non nome da Deputación felicitou “a estes rapaces do Azkar Lugo e do Burela Fútbol Sala que formaron parte da selección galega sub 20 (e coa que acadaron o campionato de España hai unha semana) e tamén aos seus clubs e todos aqueles clubs que traballan no deporte base en xeral”. Antonio Veiga destacou que “é un orgullo para a Área de Deportes da Deputación que estes rapaces nos representen e que sexa a través da selección galega” e animounos a seguir traballando e progresando no deporte para que no día de mañá xoguen na selección galega absoluta de fútbol sala.
Estes seis xogadores lucenses foron parte dos artífices que lograron que a selección de Galiza volvese acadar o título de Campioa de España de Fútbol Sala na categoría Sub-20. Este foi un título que a selección galega acadou na casa, no Pavillón Multiusos Fontes do Sar de Compostela, tras gañarlle nunha gran final (4-3) a un equipo que sorprendeu pola súa calidade e entrega como foi o combinado da Cidade Autónoma de Melilla.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
