RIBADEO (FN) .- O Cine Teatro de Ribadeo acollerá o vindeiro venres 22 de xaneiro ás 20:30 horas un concerto benéfico co que se recadarán fondos para enviar ao pobo haitiano. Está organizado por Amadores da Música, Musiqueando e a Escola Municipal de Música e Danza.
O alcalde, Fernando Suárez, sinalou que “nesta fin de semana foron xurdindo unha serie de ideas entre as directivas de Amadores da Música e Musiqueando e o Concello para colaborar e participar na solidariedade con Haití, que por moita que teñamos vai ser moi escasa paréceme a min de cara a esta traxedia que asolou a este país caribeño. E onde a día de hoxe a axuda internacional aínda ten enormes dificultades para chegar, pero é necesario que dentro de poucas horas ou de poucos días sexa efectiva para paliar moitas mortes máis que se poden aveciñar pola falla de atención ou de recursos”.
O rexedor subliñou que “desde Ribadeo queremos aportar o noso grao de area e, a parte doutras iniciativas que se poidan facer, desde o Concello, Amadores da Música e Musiqueando queremos levar adiante un concerto benéfico con alumnos da Escola Municipal de Música e Danza e coa colaboración desinteresada dos seus profesores. O concerto será o venres 22 de xaneiro ás 20:30 horas no Cine Teatro de Ribadeo. O custe da entrada será de 5 euros e toda esta recaudación será entregada á Cruz Vermella para que faga bó uso dela con estes superviventes de Haití. É un pequeNo grao de area neste océano e neste mar de desgracias que se está a vivir alí, pero non queríamos ser alleos en Ribadeo a esa circunstancia tráxica”.
Griselda Ríos, vocal de Amadores da Música, contou que “temos interese en participar nesta iniciativa porque nos parece moi grave o que alí pasou. Queremos facer un chamamento para que colabore a xente, porque por pouco que se colabore a nosa axuda será moi importante para axudar a liquidar esta situación tan grave”. E Hugo García de Musiqueando dixo que “queremos facer fincapé nun dos piares que moven á organización deste acto e que é fomentar o espírito de solidariedade entre os mozos e as mozas que forman parte tanto da Escola como da Banda Municipal. Non é a primeira ocasión na que alumnos e alumnas da Escola e da Banda se suman a actos solidarios e tanto desde o centro educativo como desde a Banda amosan a súa disposición a seguir traballando nesta liña non só en momentos puntuais coma este senón tamén ao longo do ano demostrando que ambos seguen traballando”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
