Nota de Prensa
O GPPP acusa á Deputación de “non facer nada” polo Museo do Mar
* González Barcia asegura que non hai cartos para esta instalación nos orzamentos de 2010
* Afirma que Veiga Otero actúa só como “mandadiño” de Antón Bao
Lugo, a 2 de xaneiro de 2009.- O Grupo provincial do Partido Popular afirmou hoxe que a Deputación non tén ningún interese en facer nada no Museo do Mar de San Ciprián pola sinxela razón de que o equipo de goberno provincial non estableceu ningunha consignación nos orzamentos para o vindeiro ano.
Os populares lembran que o anterior goberno da Deputación do PP integrou dentro da rede museística provincial ó Museo do Mar e fíxose cargo dos gastos de mantemento e persoal, algo que agora o bipartito provincial quere esquecer para xustificar a súa ineficacia nos dous anos e medio que levan ó fronte da administración provincial.
O voceiro adxunto dos populares, José María González Barcia, asegurou que todo o que leva dito o bipartito provincial sobre a ampliación do Museo do Mar é “literatura e propaganda”, porque o material segue almacenado en contenedores e non son capaces de dar a coñecer públicamente as xestións que din están levando a cabo. Eso sí, o bipartito criticou, a través de Veiga Otero, que o voceiro adxunto dos populares na Deputación fose visitar o Museo, do que se deu conta nos medios de comunicación, aducindo que está prohibido facerse fotos nos museos, “pero non se poñen colorados en deixarlle á asociación “Mariña Patrimonio”, órgano adlátere do BNG, que se faga fotos dentro do Museo día sí e día tamén, e mesmo o use como sede social”.
Por esa cuestión, e porque os orzamentos da Deputación para o 2010 non contemplan ningunha inversión real nova no Museo do Mar, Barcia considera que Veiga Otero actúa como “mandadiño” de Antón Bao, que é quen realmente controla e distribúe os fondos das áreas de Cultura e Deporte da Deputación.
Barcia corrobora o dito manifestando que nos orzamentos da Deputación non se inclúe ningún proxecto novo en materia de Deportes e que os convenios para piscinas en Bóveda e Begonte xa veñen da anterior etapa, ó tempo que suliña que “Bao e Veiga aínda non foron capaces de materializalos”.
O voceiro adxunto dos populares na Deputación calificou de patético que PSOE e BNG votaran en contra da moción do PP que plantexaba levar a cabo en 2010 toda a tramitación administrativa para a ampliación do Museo do Mar.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
