CERVO .- Os Concellos de Cervo e Xove celebrarán conxuntamente o vindeiro domingo, día 24, unha homenaxe ao sarxento Lorenzo Martín Alonso, responsable da Garda Civil de Tráfico en Burela que faleceu en acto de servizo a noite do 23 de xaneiro do 2009 vítima do ciclón Klaus que azotou a comarca hai un ano.
Deste xeito, os concellos de Xove e Cervo queren render así o seu agradecemento ao axente e lembrar a súa figura destacando o labor realizado durante esa noite e noutras ocasións, mediante un acto sinxelo e emotivo.
Os actos darán comezo ás 12.00 do mediodía co descubrimento dunha placa conmemorativa, que se colocará na área de descanso da estrada LU-862, no termino municipal de Xove e posteriormente (ás 13.00 horas) celebrarase unha misa na igrexa de Cervo na súa memoria.
O alcalde cervense, Alfonso Villares, indicou que este acto ten por obxecto recoñecer o labor do sarxento que faleceu no lugar coñecido como O Castelo, tras ser alcanzado por un eucalipto mentres axudaba aos condutores aos que o temporal Klaus sorprendeu na estrada. O garda civil participou intensamente, xunto coas brigadas de obras e os membros de Protección Civil de distintos concellos, nos labores de coordinación do tráfico e na retirada de árbores sobre coches e sobre a estrada da costa derrubados polo temporal.
Segundo indicou, os organizadores da homenaxe xa teñen confirmada a asistencia aos actos da viúva e dos fillos do sarxento e esperan que acudan tamén as corporacións municipais de ámbolos dous municipios, así como alcaldes da comarca, representantes da Xunta de Galicia, Delegación e da Subdelegación do Goberno, así como diversos mandos da Garda Civil, e outras outras autoridades.
Villares tamén aproveitou para facer extensiva a invitación a participar nEste acto de homenaxe ao sarxento no primeiro ano da súa morte a todas aquelas persoas que o desexen.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
