FOZ .- O presidente de Cantabria acudiu a Foz á Festa do berberecho, tamén o presidente e a vicepresidenta segunda da deputación de Lugo, entre outras autoridades. A organización preparou berberechos en empanada, ao vapor, en salsa verde, provenzal e mariñeira, e en tortilla.
NOTA DE PRENSA
O Presidente da Deputación, José Ramón Gómez Besteiro, e a Vicepresidenta Segunda, Lara Méndez, participaron este sábado na sétima edición da festa do berberecho, que se desenvolve ata mañá domingo no Concello de Foz, e coa que colabora a institución provincial, a través do Instituto de Desenvolvemento Económico e Social (INLUDES). Gómez Besteiro destacou que “a Deputación sempre colaborará con iniciativas coma esta. A potenciación de eventos como a festa do berberecho é a nosa obriga, xa que isto tamén é colaborar cos Concellos”.
Neste senso, indicou que “a riqueza da nosa costa fai que teñamos produtos de altísima calidade coma este. Non hai que esquecer que durante décadas esta ría foi a maior produtora deste bivalvo de España. Por este motivo, dende o INLUDES e a Deputación quixemos estar hoxe presentes. É necesario que entre todos promocionemos produtos como o berberecho que supoñen a base da economía da provincia”.
A cita gastronómica deu comezo ás 9 da mañá coa apertura do mercado. Ás 11:00 horas as autoridades, entre as que se atopaba o Presidente de Cantabria, Miguel Ángel Revilla, foron recibidas na Casa do Concello. Acto seguido, participaron na ofrenda floral ós náufragos no paseo do Laredo. Ás 12:30 horas tivo lugar un dos actos centrais do día, no que o rexedor cántabro procedeu á lectura do pregón, coa que se deu paso á degustación do produto mariño.
O ir e vir de xente foi unha constante durante toda a mañá. En total, a organización agarda que unhas 5.000 persoas visitarán a vila esta fin de semana e degustarán uns 7.000 quilos deste bivalvo mariño que é preparado pola empresa de catering Fabimar. As racións sériense en empanada, ó vapor, e nas salsas verde, provenzal e mariñeira. Durante o domingo, o berberecho poderá degustarse en tortilla nos distintos bares da localidade mariñana.
O organismo provincial promociona os produtos autóctonos da provincia, contribuíndo a manter moitos postos de traballo, ben a través das subvencións directas do INLUDES, ben a través das axudas ós autónomos que traballan na produción de produtos ou a través da campaña “Lugo Sabe,” que inclúe a distribución de 14.000 lotes de produtos autóctonos. O evento estivo amenizado por distintas agrupacións musicais.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
