RIBADEO (FNC).- No pleno ordinario que se celebrará o vindeiro luns no Concello de Ribadeo someteráse a aprobación o proxecto modificado e de nova licitación das obras de mellora dos tramos urbanos da rede de estradas do estado cuxa titularidade foi transferida ao Concello. O alcalde, Fernando Suárez, lembrou que “se trata dos tramos urbanos da Avenida de Galicia, Avenida de Asturias, José Vicente Pérez Martínez, Vilar… Esta obra foi licitada hai uns meses e despois tivemos que facer unha modificación dado que o técnico municipal advertía uns erros, tivemos que volver sacala a contratación e polo tanto os prazos para xustificar a primeira anualidade se acortaron e era moi complicado poder xustificar dentro da legalidade 300.000 euros para o pasado 2009”. O rexedor explicou que “propuxémoslle ao Ministerio de Fomento o traspaso desa anualidade para 2011, de tal maneira que neste 2010 se teñen que executar 700.000 euros e os outros 300.000 no 2011. Eso foi aprobado por parte do ministerio hai uns días o que nos obriga a sacar de novo a obra a licitación e de paso os técnicos advertiron que neste proxecto tan complexo e tan grande había unha serie de cuestións que poderían ser melloradas e procederon a modificar as cuestións pertinentes neste proxecto”.
Suárez Barcia sinalou que “é idea do goberno municipal licitar agora esta obra na súa globalidade para que neste 2010 se invistan 700.000 euros correspondentes prácticamente ao 70% da obra e no 2011 se invistan 300.000 euros que é o 30% do proxecto. Hai que lembrar que esta obra desde o punto de vista urbano vai ser fundamental para Ribadeo dado que se renovarán os pavimentos de todas as aceras, vánse poñer árbores sin que resten prazas de aparcamentos, mellorararáse o aspecto visual e humanizado destas vías e cambiaránse as tuberías e as cousas que están soterradas, pero que son moi importantes e que presentan graves problemas de esgotamento… teñen fibrocemento e materiales que agora mesmo non deberían estar no uso público para auga, para residuos, saneamento, etc”.
Cemiterios
Outro dos asuntos que vai ao pleno do luns é a aprobación inicial da modificación da ordenanza reguladora da taxa pola prestación do servizo de cemiterios municipais en Ribadeo e Ove, conducción de cadáveres e outros servizos fúnebres de carácter local. O alcalde entende que “será aprobado senon por unanimidade sí por unha ampla maioría. Trátase desta ordenanza que regula os servizos dos cemiterios municipais, tanto o de Ribadeo como o de Ove que son os dous únicos que o Concello ten en propiedade, e que desde hai uns meses eu como alcalde quixen ter un diálogo con todos os grupos políticos de cara a buscar unha ordenanza de consenso e que rexise durante os próximos anos, dado que se advertían por parte dos técnicos unha serie de deficiencias endémicas desde hai anos nestes cemiterios municipais, o que deu lugar a facer esta nova ordenanza”.
Fernando Suárez suliña que “si se aproba vai haber cambios na maneira de tratar a aqueles propietarios que desatendan os elementos dos bens funerarios, que desatendan os nichos, que estean nunha situación deteriorada…e aí vaíse modificar a ordenanza para que o Concello teña a potestade de reversión e recuperación de todas estas sepulturas que estean abandoadas e que ninguén se preocupe delas durante un período de anos. Ao mesmo tempo había tamén outra cousa que nos preocupaba que é o espazo finito e limitado que ten o cemiterio de Ribadeo de cara a seguir facendo novas remesas de nichos. Como é necesario que o Concello para este 2010 efectúe unha nova remesa, tiñamos que poñer unha limitación ou algún control que ata agora era inexistente para darlle unha certa preferencia a aquelas persoas que sexan de Ribadeo ou que vivan en Ribadeo, porque senón podemos correr o risco de que enseguida se poidan colmatar todas as superficies vacantes e que o cemiterio quede saturado”.
O rexedor dixo que “mostra da boa disposición do goberno municipal é que en 3 ocacións se levou este asunto a unha comisión informativa para o seu debate, nas que se foron aceptando as aportacións de todos os grupos. No día de onte estimamos unha proposta do PSOE secundada por UPRI, PP e BNG. Contamos que este asunto vaia adiante e que teñan unha nova ordenanza os cemiterios, agora apróbase inicialmente e despois será exposta ao público para a presentación de alegacións”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
