CERVO .- O alcalde de Cervo, Alfonso Villares, cualificou de “esforzo minucioso e metódico” o traballo realizado ao longo do último mes dende o servizo municipal de Obras para solucionar os problemas de inundacións que ciclicamente se viñan sucedendo en determinadas zonas da vila de San Cibrao.
O rexedor indicou que os traballos feitos teñen un custe superior aos 20.000 euros e foron feitos dende o Concello grazas á axuda económica de distintos departamentos da Xunta de Galicia. As obras consistiron na mellora e derivación das canalizacións de saneamento e pluviais en zonas coma a Avenida da Mariña (fronte á Casa do Mar), a Rúa das Areas e recentemente na Rúa da Cruz.
“Ao longo de todo o mes de decembro estivemos moi atentos para solucionar estes problemas e actuamos en varios puntos estratéxicos do pobo co convencemento de que así quedarían solventadas estas incomodidades na totalidade de rúas afectadas; e de feito en zonas como fronte a Casa do Mar e na intersección da Rúa da Aduana e a Rúa das Areas non se volveron a producir inundacións, pero o xoves pasado vimos que a pesar destes traballos houbo zonas como na Rúa da Cruz onde volveron a repetirse estes atrancos. Nese mesmo momento ordenei acometer os traballos precisos para que dunha vez por todas non se repetiran inundacións neste punto” dixo.
Na súa opinión, as obras acometidas nestas últimas semanas, xunto coas obras do novo saneamento de San Cibrao, garantirán a erradicación dos problemas de inundacións que estaba a sufrir esta localidade e valorou positivamente a colaboración prestada pola Xunta para atallar este problema. “As dilacións e atrasos aos que nos vimos sometidos polos anteriores responsables autonómicos contrasta coa boa sintonía e as facilidades que nos están a dar actualmente de cara a solucionar este problema tan importante para todo un núcleo de poboación. Esta é a mostra feaciente do que se pode chegar a facer cando existe un compromiso de colaboración firme entre as administracións” asegurou Villares.
Aínda así, o alcalde quixo ser cauto e sinalou que dende o Concello non descartan ao cen por cen que se poda producir algunha nova inundación “porque a pesares de que tecnicamente nos aseguran que o problema está arranxado, sempre existe esa posibilidade. Por iso, dende o Concello non baixamos a garda e permanecemos alerta para atallar o posible problema rapidamente, do mesmo xeito que fixemos o xoves pasado na Rúa da Cruz, onde unha brigada de obras traballou arreo día e noite ata conseguir dar unha solución” lembrou o alcalde.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
