BURELA (FNC) .- O Concello de Burela organiza un concerto para recadar fondos e colaborar con Haití. O alcalde, Alfredo Llano, anuncia que “o concerto realízase en colaboración coas agrupacións musicais do noso Concello, que nos deleitarán con diversos estilos musicais o próximo sábado, día 29, a partires das oito e media da tarde no Auditorio da Casa da Cultura. As agrupacións participantes son: Coral Polifónica de Burela, Ledicia, Banda de Gaitas e Tambores Dambara, Batuko Tabanka, Burela Blues Banda e Banda de Música de Burela”.
O rexedor agradeceulle “a todas estas agrupacións a súa colaboración desinteresada, ao tempo que animamos a toda a poboación tanto de Burela como do resto da Mariña a colaborar tamén asistindo a este concerto. O prezo da entrada será de cinco euros. Os fondos recadados serán ingresados no Fondo Galego de Cooperación e Solidariedade”.
Demanda de axuda á Xunta
Por outra banda, Alfredo Llano subliñou que o Concello ven de solicitar axuda económica á Xunta para afrontar os traballos de limpeza realizados tras o desbordamento do río dos Matos. O rexedor explicou que “subimos cos técnicos municipais ao Monte Castelo para facer unha valoración o máis aproximada posible dos danos causados polas chuvias da pasada fin de semana. Levamos unha sorpresa moi desagradable ao chegar á altura do miradoiro do Monte Castelo que está a uns 320 metros de altura, alí houbo un desprazamento de terras, pedra e arbolado que ocasionou unha desfeita moi grande case ao final do traxecto preto da gardería na rúa dos colexios”.
Llano engadiu que “non houbo que lamentar danos persoais nin estragos en edificios dado que é unha vertente que vai parar ao mar sen facer percorridos preto das vivendas. Tivo que ser espectacular a baixada de todo este material en caída libre, levounos moito tempo abrir e limpar o río, tivemos que sacar pedras moi grandes e moitos árbores e tivemos que recurrer a maquinaria especializada para facer estes traballos”. O alcalde de Burela dixo que “o río do Matos pasou de ter un canal moi pequeno e agora parece que ten unha canle enorme. Onte fixemos unha petición á Xunta, a través da Consellería de Medio Ambiente ou da de Medio Rural, para que se nos valoren estes danos e se nos conceda unha axuda económica. Tamén pedimos que despracen aquí con urxencia técnicos para que supervisen o curso do río e que vexan o desprendemento de terra que se produciu posiblemente debido a unha bolsa de auga. Queremos saber si isto é definitivo e pode quedar así asentado ou si se poden producir novos episodios similares, algo que sería moi perigoso. Agardamos que veñan o antes posible porque nos preocupa moito este tema”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
