Nota de Prensa
O BNG VOTOU EN CONTRA DOS ORZAMENTOS DE BARREIROS PARA ESTE ANO. OS NACIONALISTAS CONSIDERAN QUE SON UN PARIPÉ E ASEGURAN QUE OS GASTOS DE PERSOAL SUPOÑEN O 75%.
Barreiros, 30 de xaneiro de 2010. O BNG votou en contra dos orzamentos de Barreiros para este 2010. Os nacionalistas consideran que son un paripé e aseguran que os gastos de persoal supoñen xa realmente o 75%. Para Antonio Veiga “hai algo novidoso nos orzamentos de Barreiros este ano, que se aproban no primeiro mes do exercizo en curso. Esto podería ser positivo si o feito de aprobalos en prazo implicase unha boa planificación dos recursos económicos do Concelllo e iso redundara en beneficio duns mellores servizos. Pero a realidade é ben distinta, pois eses 3,5 millóns de euros de orzamentos non van ter unha aplicación práctica, porque no mesmo pleno houbo que facer un recoñecemento extraxudicial de crédito por valor de 589.652 euros, que son compromisos adquiridos polo Concello no capítulo de bens correntes e servizos que non estaban orzamentados”.
O portavoz do BNG segue a explicar que “para esa partida no 2009 había orzamentados 881.000 euros, pero o Concello gastou 589.652 euros máis. A propia secretaria-interventora di no seu informe que ditos gastos se contraeron sin fase previa de autorización e disposición do gasto e sin que existise crédito suficiente para facerlles fronte no exercizo do 2009. Esto é algo que veu acontecendo nos últimos anos. Eso quere decir que ao que ten presupostado o Concello este ano para o capítulo de bens correntes e servizos hai que restarlle os 589.652 euros, que son para pagar débedas do ano anterior con acreedores, que nos parece lóxico que as cobren, pero a culpa de que os acreedores non cobren en tempo e forma é do propio Concello”.
No BNG tamén criticaron na sesión de onte “a discrecionalidade no gasto, porque non hai planificación sobre o que se vai gastar en varias partidas, como a de persoal, que supón un 50 por cento: 1.700.000 euros dos presupostos. Pero en realidade o porcentaxe adicado a persoal é moito máis grande. Nós calculamos que os gastos de personal poden chegar ao 75 por cento e queda o 25 por cento restante para os servizos e pequenas inversións”. Antonio Veiga suliña que “os gastos personal supoñen realmente o 75 por cento, porque si aos 3,5 millóns de euros lles restamos os 588.652 que están comprometidos por ese recoñecemento extraxudicial de crédito xa nos quedamos en 2.910.000 euros, pero como sempre se executa moito menos do presupostado, como se viu nos anos anteriores, quedará nun orzamento de aproximadamente 2,2 millons de euros, polo que os gastos de persoal suporán realmente o 75 por cento”.
Os nacionalistas consideran que “o Concello de Barreiros se está a converter nunha xestoría mala, porque si os acreedores teñen que esperar un ano ou dous para cobrar mal vamos. Estes orzamentos son un paripé, non son reais nin executables. Eso vanno ver os veciños cando infinidade de servizos non se presten, cando non se poida amañar a rede viaria, que está en pésimo estado, e o Concello de Barreiros dependerá coma sempre doutras institucións. Este Concello manexou nos últimos anos moitos cartos, pero non se viu ningunha obra importante nin siquera o mantemento da rede viaria. Estes orzamentos non vai cubrir as necesidades reais dos barreirenses”.