BURELA (FNC) .- O alcalde de Burela realizou unha valoración positiva da visita que esta mañá cursaron á vila o Delegado do Goberno en Galicia, Antón Louro, e o Subdelegado en Lugo, Xosé Vázquez Portomeñe.
Alfredo Llano sinalou que “o Delegado avanzou as obras que se están a acometer en Burela e no resto da comarca desde o goberno central. Estivemos analizando o paso por este municipio do corredor Barreiros-San Cibrao, lembrámoslle o noso compromiso nas alegacións e dixo que van procurar darlles resposta ao longo dos vindeiros meses, dirannos cómo quedan as nosas pretensións. É posible que teñamos en breve unha xuntanza con responsables de Fomento en Galicia, en concreto con Angel González del Río para ir vendo como van as cousas e para que vaian tendo en conta as alegacións presentadas”.
O rexedor engadiu que “falamos do plan E, de todo o traballo realizado durante o 2009, hai que lembrar que levamos adiante 15 proxectos que supuxeron un investimento de 1,6 millóns de euros e tamén do novo plan previsto para o 2010 que destina a Burela 1 millón de euros. E tamén estivemos falando da capitanía marítima e avanzóunos que en marzo se licitarán as obras e darán comenzo en setembro ou outubro deste ano. Terán un prazo de execución duns 8 a 12 meses, co que no 2011 ese proxecto será unha realidade”.
Louro, Vázquez Portomeñe e Llano analizaron as obras que o goberno está a realizar no litoral, na Marosa, en Ril, no Portelo e todas as inversión previstas para os vindeiros meses. O alcalde de Burela suliñou que “foi un encontro institucional moi positivo, é importante que se dea unha relación fluida entre a administración local e a administración estatal”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
