BURELA (FNC) .- A concelleira de Deportes amósase moi satisfeita porque o campo de herba artificial da Marosa será unha realidade en catro meses. Neves Cando lembrou que se trata dun proxecto de longo percorrido iniciado polo bipartito burelés en xaneiro de 2008.
A edil nacionalista sinalou que “onte por fin vimos dar xa os primeiros pasos do que será o futuro campo de herba artificial da Marosa, un proxecto de longo percorrido no tempo, pero que xa é unha realidade. E por moito que digan outros este proxecto, que xa é realidade, comenzou en xaneiro de 2008 ao pouco de nós entrar no goberno municipal de Burela, cando a daquela directora xeral para o Deporte se comprometeu firmemente co proxecto que lle presentamos para este campo de herba artificial. As conversas tamén foran coa Deputación, pero ao final a Dirección Xeral para o Deporte asumiu o compromiso a dúas bandas co Concello. A maquinaria administrativa púxose en marcha, en abril dese ano viñeron os técnicos da Xunta a Burela para redactar o proxecto, o proxecto fíxose e en outubro de 2008 asinamos o convenio coa Xunta para este investimento que supoñía que máis de 600.000 euros se ían destinar a esta obra dos cales o Concello de Burela aportaría 90.000”.
Neves Cando seguiu a relatar que “iniciamos a continuación os trámites para pedir as autorizacións a todas as administracións correspondentes, á Dirección Xeral de Costas, á Axencia da Legalidade Urbanística… e en abril de 2009 xa as tiñamos todas. A partires de aí en xuño estaba todo listo para que se licitase a obra e entón prodúcese a parálise da Xunta do PP, que ata novembro do pasado 2009 non deu todos os pasos necesarios para licitar a obra e agora, mal que lles pese a algúns, a obra vai comenzar e nós estamos moi satisfeitos de que este proxecto que arrincamos en 2008 xa sexa unha realidade para o fútbol de Burela e para eses máis de 100 nenos das escolas deportivas de fútbol que poderán disfrutar destas novas instalacións para o verán”.
A concelleira de Deportes engadiu que “hai outros que se adican a poñerse na foto e a apuntarse á visita oficial porque apuntarse agora os tantos é moi fácil, pero o PP de Burela neste asunto do campo e herba artificial non se matou moito a traballar, limitóuse a mandar un proxecto no ano 2007 á Xunta e aí quedou todo. Nin negociou, nin apareceu pola Xunta para buscar financiamento, nin promesas podía facer porque non lle interesaba moito o tema. Agora sí apúntanse ao carro porque non podía ser que a Xunta do PP paralizase esta obra que xa estaba comprometida e asinada. Nós nada máis chegar ao Concello xa conseguimos o acordo coa Xunta e o campo de herba artificial da Marosa será unha realidade para o fútbol de Burela dentro de catro meses”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
