Os Concellos de Cervo e Xove renderon homenaxe ao sarxento Lorenzo Martín Alonso, responsable da Garda Civil de Tráfico en Burela, que faleceu en acto de servizo a noite do 23 de xaneiro do 2009 vítima do ciclón Klaus que azoutou a comarca hai un ano. Ao emotivo acto asistiron autoridades provinciais e locais, que presenciaron a colocación da placa in memoriam, a ofrenda floral e a misa na súa lembranza.
