“Tomei esta decisión para axustar ó máximo os presupostos do concello e así evitar a presenza en Madrid durante uns días xa que non é necesaria pois de todos os xeitos Ribadeo estará ben representado no stand de Turgalicia”.Coas verbas que anteceden, o alcalde de Ribadeo, explicaba as razóns da ausencia de políticos ribadenses en Fitur.Todo un rasgo de sensatez e honestidade porque,¿que fan naquela feira os nosos edís? Dende hai anos A Mariña, no seu conxunto, con auto-exclusión incluída, acode solidariamente ó popular evento, baixo o paraugas de Turgalicia; é dicir, todos e cada un dos seus concellos non só están representados, senón que alí se leva a cabo todo o traballo de información, suxerencias e demais por parte das persoas encargadas do cometido: os técnicos das tres comarcas, colaboradores, azafatas, etc.e polo tanto o obxectivo está cuberto: outra cousa puidera ser que non se considerara óptimo o funcionamento dos mesmos; nese caso habería que tomar medidas para melloralos..Sempre defendemos esta opción, mesmo cando cada concello acudía de forma independente: o sete de febreiro de 1994 (hai 16 anos…), en artígo que intitulamos “O virus de Fitur”, decímaos: “ … Ningún pobo de A Mariña ten por si só atracción nen servizos que podan espertar o interese que xustifique ás axencias de viaxe tal destino… “A Mariña debe estar na edición anual de Fitur, dende a racionalidade, aglutinando nunha única mostra todo o seu potencial, proporcionando ós profesionais do sector toda a información referida á comarca. Hai anos que, clamando no deserto, vimos suxerindo este plantexamento. Son razóns de eficacia e economía as que nos levan a defender tal proposta; premisas ambas que lamentablemente se botan pola borda con demasiada frecuencia, en aras de outros intereses alleos á cidadanía”.Pero acudir unidos con quere dicir asistir todos, mais ben ó contrario, debe obviar tal feito, e os miles de euros que implica tales desprazamentos e estancias innecesarias investilos nalgún tipo de promoción ó longo do ano, cuestión que en nada ocupa ós nosos rexedores que, eso si, esperan con ansia a anual peregrinaxe estéril a Fitur. Parabéns, señor alcalde de Ribadeo.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
