RIBADEO (FNC).- Cos votos favorables de BNG e PP e a abstención de PSOE e UPRI quedou aprobado no pleno ordinario de onte o proxecto modificado e de nova licitación das obras de mellora dos tramos urbanos da rede de estradas do Estado transferidos ao Concello. O alcalde de Ribadeo lembrou que “tivemos que pospoñer as anualidades previstas para 2009-2010 e trasladalas a 2010-2011 a raíz dunha serie de deficiencias que se viron na redacción do proxecto inicial e despois non daba tempo a xustificar eses cartos, por iso tivemos que facer ese cambio”.
Fernando Suárez considera que “esa licitación irá adiante finalmente e contamos que durante este 2010 se execute a maior parte da obra agora aproveitando que ven o bó tempo para cando eso se poida adxudicar, que será aló pola primavera e se poida facer con comodidade para todos e que redunde nun beneficio para toda a poboación de Ribadeo”.
Ordenanza de cemiterios municipais
O rexedor amosóuse moi sorprendido, perplexo e disgustado “coa actitude que tiveron o resto de grupos PP, PSOE e UPRI cunha proposta que o alcalde quixo facer con boa fé desde o principio como era a modificación da ordenanza reguladora da taxa pola prestación do servizo de cemiterios municipais. Esta ordenanza que levamos tres meses debatindo entre todos os grupos, onde a magnanimidade do goberno non poder ser posta en entredito dado que tentamos asumir as propostas de todos de cara a facer un regulamento de consenso”. Suárez Barcia sinalou que “o problema do cemiterio municipal de Ribadeo é que ten moi pouco espazo dispoñible e con dúas remesas máis de nichos a súa superficie pode quedar colmatada e iso pode xerar problemas despois. Ao mesmo tempo hai unha serie de nichos, tumbas e panteóns que se atopan abandoados e tiñamos problemas legais para poder incidir sobre eso. Por todo esto e unha serie de cuestións máis quixemos actualizar esta ordenanza e aí contamos co apoio de todos ata que chegou o día do pleno e decidiron por unha maniobra máis política que outra cousa non aprobala argumentando que nesta ordenanza se contemplaba unha subida de taxas e que non era o momento”.
O alcalde dixo que “esto choca moito cando a concesión de 3 nichos e un osario a 99 anos debe ser a máis barata ou das máis baratas de todo o estado español xa que se cobran 1.000 euros. En calquera parroquia onde exista un cemiterio e calquera poida facer uns nichos, seguro que si contrata un albañil para que llos faga será máis costoso que eso e aquí a concesión é a 99 anos, prácticamente perpetua, e dicir que é un despropósito a suba de 1.000 a uns 1.300 ou 1.400 euros eu creo que están fora de toda razón, como que se preocupen de que subimos moito os panteóns, cando subimos un 25% partindo dunha base extremadamente baixa. Na miña humilde opinión quen pode pagar un panteón entendo que pode asumir ese incremento sobre unhas taxas absolutamente desfasadas de baixas que son. Insisto en que o espazo é limitado para todo esto”.
O que lle disgusta a Fernando Suárez dos grupos municipais “é que non tiveron ningún reparo para cobrar as dietas de varias reunións para chegar a un acordo e cando chegou o día botárono por terra, entón puidéronlle ter aforrado ao alcalde e ao goberno todo este traxecto para ao final dicir que non”. O rexedor suliña que “todas esas taxas estiveron sempre aí na proposta e ninguén amosou o máis mínimo sonroxo por ese leve incremento”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
