LUGO .- o Centro de Artesanía e Deseño organiza 240 xornadas formativas: 65 forman parte da programación oficial, 15 son obradoiros impartidos exclusivamente polos artesáns do centro, e 160 son cursos que se levarán polos colexios da provincia, según indicou a vicepresidenta segunda da Deputación, Lara Méndez.
Nota de Prensa
A Deputación aumenta en máis dun 20 por cento a oferta formativa do CENTRAD para 2010
– Lara Méndez avanza que este ano o Centro de Artesanía e Deseño organiza 240 xornadas nas que poderán participar unhas 2.200 persoas
– O organismo provincial logrou en 2 anos multiplicar por 6 a participación nos cursos pasando das 500 persoas a máis de 3.000
– A Vicepresidenta Segunda subliña que se está a pechar a programación do 15º aniversario do CENTRAD que se celebrará de forma conxunta con Lugo10
A Vicepresidenta Segunda da Deputación, Lara Méndez, adiantou este venres a programación de cursos que o Centro de Artesanía e Deseño, dependente do organismo provincial, celebrará ó longo deste ano. O CENTRAD organiza 240 xornadas formativas: 65 forman parte da programación oficial, 15 son obradoiros impartidos exclusivamente polos artesáns do centro, e 160 son cursos que se levarán polos colexios da provincia. Deste xeito, o organismo provincial incrementa en máis dun 20 por cento a oferta formativa para 2010 con respecto ó ano pasado.
Lara Méndez subliñou que “a Deputación logrou deixar atrás os 50 cursos que a anterior Corporación organizou para o 2007, e onde o 80% foron de cestaría, para superar en 2008 os 130, e en 2009 os 200”.
A programación de obradoiros para 2010 inclúe xornadas sobre distintas técnicas nacionais e internacionais de cestaría, xoiería, e tapiz; cerámica e oleiría de Bonxe para distintos niveis; textil como elaboración de traxes rexionais, complementos, ou bordado; fabricación de instrumentos como por exemplo as zanfoñas; talleres de construcción de mobles; ebanistería, e incluso de encardernación onde se ensinarán, entre outras, as técnicas empregadas polos romanos.
Para elo, o CENTRAD conta coa participación de recoñecidos artenáns de Lugo e de outras provincias de Galicia, así como de Cataluña, Andalucia, ou Extremadura, e ata de Francia, Inglaterra, e Alemaña.
Incremento da participación
A titular da área de Promoción Económica e de Emprego salientou que en 2010 o número de prazas tamén se incrementa nun 20% con respecto ó ano pasado superando as 2.200. Lara Méndez incidiu en que “no 2007 contamos coa participación de 500 persoas. Esta Deputación logrou en 2008 1.300 alumnos, e en 2009 1.800. É dicir, en dous anos multiplicamos por 6 o número de participantes”.
Neste senso, a Vicepresidenta Segunda destacou que estes datos reflicten que “o CENTRAD está a cumprir os obxetivos que nos marcamos: ser un centro de referencia en Galicia e en España; impulsar o noso rico patrimonio artesanal; e formar ós cidadáns contribuindo non só a que os antigos oficios nos desaparezan, senón a que evolucionen ofrecendo novas oportunidades de traballo”.
O organismo provincial aumentou nun 27% os Orzamentos do Centro de Artesanía e Deseño para 2010, dotados en 1.700.000 euros, dentro da súa aposta tradición artesanal como unha oportunidade económica e de emprego.
15º Aniversario do CENTRAD
Lara Méndez avanzou que este ano o Centro de Artesanía e Deseño cumpre o seu 15º aniversario. Para elo, a Deputación está a pechar unha programación epecial que terá carácter nacional e internacional, e que irá en paralelo con Lugo10. “A Deputación e Concello están a traballar de forma conxunta na organización deste doble acontecemento que se nos presenta como unha oportunidade económica que non ímos deixar escapar”, concluiu.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
