CERVO .- A conselleira de Traballo e Benestar, Beatriz Mato, anunciou hoxe na súa visita ao Concello de Cervo o compromiso da Xunta de Galicia en construír en San Cibrao un edificio no que se integrarán unha residencia para maiores de 54 prazas e un centro de día con capacidade para 25 persoas.
A conselleira indicou que a Xunta de Galicia xa ten disposto o financiamento para a elaboración do proxecto desta nova infraestrutura “e posteriormente o que faremos é estudar unha estrutura de financiamento para levar adiante a súa construción a ser posible antes de que remate este ano” asegurou Mato, quen cualificou esta obra de “moi necesaria non só para Cervo, se non tamén para o conxunto da Mariña”.
Esta nova residencia ten un presuposto de execución inicialmente previsto de 1.996.000 euros. O proxecto (en fase inicial e aínda suceptible de trocos) prevé a construción do inmoble nun terreo de 2.830 metros cadrados de titularidade municipal situado na zona da Veiga, entre o pavillón de deportes e o estadio municipal. Terá unha superficie total construída de 8.432 metros cadrados distribuídos en cinco andares: semisoto, planta baixa e tres plantas altas (nas que irán destinadas á área habitacional da residencia.
Na planta baixa situarase a entrada principal e os servizos administrativos do centro, así como a zona de consulta médica e de rehabilitación, ademais dunha pequena zona de servizos e unha sala de actividades varias destinada ao centro de día. No semisoto irán colocados os distintos departamentos de servizos da residencia (cociña, lavandería, almacéns, vestiarios de persoal, etc…). O semisoto tamén se destinará para ubicar na súa parte traseira o comedor e a sala de estar común, os cales terán acceso a un xardín e a unha área de esparexemento.
En cada unha das tres plantas altas, de carácter residencial, distribuiranse oito habitacións dobres e dúas individuais, ademais dunha zona de estar comedor, a enfermería e zonas de control, aseos, e servizos.
No concello de Cervo existen actualmente un total de 1.193 residentes maiores de 60 anos, potenciais usuarios deste servizo.
Compromiso cumprido
O alcalde de Cervo, o popular Alfonso Villares, amosouse ledo porque “despois de ter soportado catro anos infrutuosos reivindicando diante dos anteriores responsables da Xunta a necesidade de crear unha residencia e un centro de apoio para os nosos maiores, bastounos menos dun ano para chegar a un acordo cos actuais responsables autonómicos nesta materia” subliñou o rexedor.
Villares dixo tamén que despois deste anuncio oficial o Goberno local ten pensado facer unha presentación pública do proxecto “para que todos os veciños e veciñas do termo municipal podan ver a maqueta do edificio e podan informarse das peculiaridades desta nova infraestrutura asistencial, a cal era un compromiso que levabamos no noso programa electoral e que en pouco tempo pasará a converterse nunha realidade” asegurou.
Obradoiro de Emprego
Durante a súa estadía no Concello a Conselleira de Traballo e Benestar tivo tamén a oportunidade de escoitar as necesidades do Concello de Cervo en materia asistencia e de traballo. Neste senso o rexedor municipal transmitiulle á responsable autonómica a preocupación do equipo de Goberno local polo problema do desemprego e solicitoulle medidas “que contribúan a paliar esta lacra”. Sobre este particular a conselleira comprometeu o seu apoio “con medidas para tentar minguar esta situación” e anunciou que dende a Consellería de Traballo e Benestar estase a analizar a posibilidade de que Cervo poda contar cun Obradoiro de Emprego no presente ano 2010.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
