LUGO .- A deputación despuxo de 62 operarios e 20 vehículos para atender incidencias por choiva e vento nas estradas provinciais. Dende primeira horas da madrugada, o dispositivo mobilizado traballa na retirada de árbores, asolagamentos e desprendementos de terra rexistrados na rede viaria
Nota de Prensa
A Deputación desprega a 62 operarios e a 20 vehículos para atender incidencias por choiva e vento
– Dende primeira horas da madrugada, o dispositivo mobilizado traballa na retirada de árbores, asolagamentos e desprendementos de terra rexistrados na rede viaria
– A presenza de pólas nas estradas foi a consecuencia de dous accidentes en Guitiriz e As Nogais, nos que non houbo que lamentar feridos de gravidade
A Deputación continúa a traballar nas estradas provinciais para atender as incidencias acontecidas durante as choivas e o forte vento rexistrado na madrugada de hoxe, e que provocaron caídas de árbores, asolagamentos nas estradas e desprendementos de terra que dificultaron a circulación en varios treitos da rede viaria provincial. En total, as empresas ás que se adxudicou a Conservación Integral están a actuar en viais de 30 Concellos, nos que están a traballar 62 operarios e 24 vehículos.
O temporal de vento e choiva ocasionou fundamentalmente a caída de árbores nas estradas, o que obrigou a que o Servizo de Vías e Obras despregase o maior número de efectivos para atender as incidencias ocasionadas polas fortes rachas. Neste momentos, están a traballar na CP 5101 que nestes momentos permanece cortada ó tráfico. A presenza de pólas tamén provocou dous accidentes de tráfico nos que non houbo que lamentar feridos de gravidade. O primeiro aconteceu á 6 da mañá na CP 3102, no Concello das Nogais. O usuario do vehículo tivo que ser evacuado en ambulancia con feridas leves ó caer a árbore sobre o turismo que conducía. Asimesmo, dúas horas máis tarde, ás 8 da mañá, rexistrábase o outro sinistro. Este aconteceu na CP 2301, en Guitiriz, e só se produciron danos materiais, xa que ó conductor deulle tempo a frenar, evitando que o turismo colidise coa árbore.
As outras incidencias por este motivo producíronse nas estradas 4806 e 4802 na Pontenova, 1611 en Castro de Rei; 2801 en Lugo; 2101, 2104, 2119, 2116 e 5101 en Friol; 4001, 4002, 4004 e 4008 en Palas de Rei; 0708, 0705, 0702 e 0701 en Becerreá; 1403, 1407, 1412 en Cervantes; 4501 e 4504 en Pedrafita; 5001, 5002, 5005 en Quiroga; 0905 en Bóveda; 4002 e 4107 en Pantón; 4902, 4901, 4905 en Portomarín; e na 3202 no Saviñao.
Asolagamentos e desprendementos
O temporal tamén provocou asolagamentos nos Concellos de Abadín (CP 0105), Outeiro de Rei (CP 5101), Xermade (CP 2210), A Fonsagrada (CP 1906), O Courel (CP 1301), Chantada (CPs 1805 e 1807) e Carballedo (CP 1005).
Polo que se refire ós desprendementos de terra, as empresas ás que a Deputación adxudicou a Conservación Integral están a traballar a reo en Lourenzá (CPs 2801 e 2802), Mondoñedo (CP 3106), Abadín (CP 0104), A Pontenova (CP 4802), Riotorto (CPs 5501 e 5503), A Fonsagrada (CP 1906), Negueira de Muñiz (CP 3601), Cervantes (CPs 140 e 1501) e Carballedo (CP1801).
Os traballos céntranse na limpeza limpeza das vías e retirada de terra. Para estas actuacións, o organismo provincial está a empregar 6 camións, 7 retros-mixtas, 31 motoserras e 19 motoniveladoras.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
