Nota de Prensa
O GPPP critica que nin Besteiro nin ningún vicepresidente representou á Deputación na celebración da Constitución
* Os populares lembran que o Presidente e os tres Vicepresidentes cobran en conxunto 250.000 euros anuais e que entre as súas funcións está a de representar á institución provincial
Lugo, a 9 de decembro de 2009.- O Grupo provincial do Partido Popular criticou que nin José Ramón Gómez Besteiro nin ningún dos outros tres vicepresidentes da Deputación “tivo a ben” asistir ó acto de commemoración da Constitución que tivo lugar o pasado domingo na Subdelegación do Goberno, polo que a representación de toda a provincia recaeu no voceiro socialista Antonio Gato.
Para os populares, “a imaxe da institución provincial non quedou tocada, quedou afundida, porque o espectáculo que se deu foi vergoñento e representativo do pouco ou nulo apego que lle teñen ó traballo e á propia Deputación”. Consideran ademais que non é ético que nos tempos actuais, coas dificultades económicas que están a sufrir a maioría dos lucenses, con familias enteiras con todos os seus membros sin percibir ningún ingreso, persoas que cobran sueldos importantes nin tan sequera cumpran coas súas mínimas obrigacións porque se atopan disfrutando da ponte.
Dende o GPPP lembran que entre Besteiro e os tres vicepresidentes cobran anualmente máis de 250.000 euros e que entre as súas funcións está a de representar á institución provincial que, ó tempo, significa representar ó conxunto dos cidadáns da provincia.
Os populares indicaron que “xa é de todos coñecido o pouco cariño que lle tén Gómez Besteiro ó traballo, aínda que cobre 70.000 euros ó ano, pero co que non contábamos é con que non se puidera contar precisamente con el para representar á provincia. A non ser que non asistira porque non ía ser o foco da atención prioritaria das cámaras. O mesmo que lle acontece á vicepresidenta segunda, Lara. Méndez, que ten soldo de máis de 60.000 euros.
No que respecta ós vicepresidentes do BNG, os populares lémbranlles que como tales vicepresidentes están representando ó conxunto da provincia e non ó seu partido. Engaden ademais que “é totalmente incompatible cobrar 70.000 euros ó ano no caso do Presidente da Deputación e máis de 60.000 cada un dos vicepresidentes e non representar ós cidadáns como é debido e por riba pedir que desaparezan as Deputacións”.
O GPPP adiantou que interesarase no vindeiro pleno da Deputación polas razóns polas que esta institución non tivo representación nos mencionados actos.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
