NOTA DE PRENSA
Barreiro: “Os orzamentos para 2010 consolidan o derroche que se practica na Deputación”
* Os populares alertan de que as contas da administración provincial contemplan triplicar a débeda con respecto ó 2009, o que suporá hipotecar o futuro da institución
* O investimento real da Deputación reducirase o vindeiro ano preto dun 20 por cento, un 5,5 por cento no orzamento consolidado da institución provincial
* O gasto corrente nas tres entidades que conforman a administración provincial (Deputación, Suplusa e Inludes) sube en conxunto preto dun 12 por cento
Lugo, a 23 de decembro de 2009.- Reducción do gasto productivo e espectacular subida dos gastos correntes. Así resumiu hoxe o voceiro do Grupo provincial do Partido Popular José Manuel Barreiro os orzamentos da Deputación de Lugo para o 2010, que, con respecto ós de 2009, disminúen un 3,2 por cento.
“A Deputación fai todo o contrario do que debía facerse nun momento de grave crise económica coma o actual e do que todos os organismos económicos nacionais e internacionais recomendan. Cando o lóxico sería aplicar un plan de austeridade e fuxir do endebedamento, o Sr. Besteiro e o seu equipo opta por facer todo o contrario. Ata tal punto que os orzamentos do 2010 prevén triplicar a débeda con respecto ó presente ano, ó pasar de 8 a 25,5 millóns de euros. O que suporá hipotecar o futuro da institución”, explicou Barreiro.
Aínda que nos tempos que corren é difícil explicar este nivel de endebedamento, podería entenderse, segundo puntualizou Barreiro, se eses cartos se adicaran a investimento, pero para “maior desgracia dos lucenses”, os orzamentos tamén prevén unha drástica reducción das inversións reais. Exactamente unha rebaixa do 6 por cento no orzamento consolidado (inclúe Deputación, Suplusa e Inludes) e do 20 por cento si se ten en conta só o orzamento da Deputación.
E mentras se produce esta rebaixa da inversión productiva medran os gastos correntes no que atinxe o orzamento propio da Deputación un 10,8 por cento, ó pasar de 15,3 millóns de euros no orzamento de 2009 a 17,2 no do 2010.
En resumo, segundo salientou Barreiro, o alto grao de endebedamento da administración provincial vaise adicar a cubrir ó gasto corrente. Un capítulo no que, segundo salientou o voceiro dos populares na Deputación, inclúense partidas “moi pintorescas”. Así, con respecto ó 2009, duplícase a cantidade adicada a gastos diversos, ó pasar de 2,1 millóns de euros a 4,2 millóns.
Nesta partida xenérica inclúense gastos por conceptos “igualmente chamativos”, segudo explicou Barreiro: preto de un millón de euros para gastos de publicidade e propaganda e 228.500 euros para atencións protocolarias. “Por si esto fora pouco, consignanse case 800.000 euros máis baixo o epígrafe de gastos diversos non especificados”, engadiu.
José Manuel Barreiro tamén salientou o feito de que a Deputación lucense verá reducida nun 25 por cento as transferencias procedentes do Estado, o que supón dispoñer de 18,8 millóns menos. O voceiro dos populares reprochou ó bigoberno provincial que tiveran rexeitada unha moción presentada polo seu grupo na que reclamaban ó Goberno central que mantivera o mesmo nivel de transferencias para as entidades locais do pasado ano.
OZAMENTO CONSOLIDADO.-
O montante global do orzamento consolidado da Deputación (inclúe Deputación, Inludes e Suplusa) increméntase un 1,1 por cento con respecto a 2009. A reducción de ingresos é manifesta: un 27,2% menos por impostos directos; un 20,6% en impostos indirectos; un 25% menos de transferencias correntes, un 17% menos en transferencias de capital mentres que o nivel de débeda increméntase un 167 por cento con respecto o pasado exercicio, provocado polas operacións de crédico por importe de 25,5 millónes de euros da Deputación propiamente dita e dos 12 millóns de Suplusa.
O gasto conxunto das tres entidades que conforman o organismo provincial increméntanse: un 2,9% en persoal ou un 9% en gasto corrente, por exemplo, mentres que o orzamento real redúcese un 5,5 por cento con respecto o presente exercicio.
ORZAMENTO SUPLUSA.-
No que atinxe ós orzamentos de Suplusa, José Manuel Barreiro indicou que se incrementa un 37,4 por cento con respecto o presente exercicio, pero tamén aquí aumentan de xeito significativo os gatos. En persoal sube un 10,3%; e un 16 % no gasto corrente. Os gastos por préstamos increméntase con respecto a 2009 un 53% e a débeda a amortizar un 31,6 por cento.
A inversión real sube tamén considerablemente, pero prácticamente todo o investimento previsto para equipamento e dotacións nos concellos (12 millónes de euros) serán financiados íntegramente cunha operación de crédito. O resto dos ingresos que recibirá Suplusa adicaranse na súa totalidade a cubrir os salarios do persoal, o gasto corrente e a pagar a débeda.
ORZAMENTO INLUDES.-
As contas previstas para o 2010 do Inludes baixan con respecto ó 2009 un 7,23 por cento, pero ascende nun 14,11% o gasto de persoal mentres que a inversión real vese menguada nun 20,73 por cento con respecto o presente exercicio
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
