Nota de Prensa
O PARTIDO POPULAR DE FOZ, NON DESCARTA O SERVICIO DE 24 HORAS EN FOZ.
• En tan só seis meses a Xunta rexida polo PPdeG fixo máis cao bipartito os pasados catro anos: Existe un compromiso de dotar ao Centro de Saúde dunha ambulancia permanente
O Partido Popular de Foz emitiu un comunicado no día de hoxe no que saen ao paso das críticas efectuadas polos nacionalistas locais. Os populares non descartan a creación dun servizo de urxencias 24 horas no municipio e lembran que, malia que neste momento a acción da Xunta debe estar marcada pola austeridade, consecuencia do mal momento económico no que nos atopamos, manteñen o seu compromiso electoral de mellorar a atención médica de urxencias as 24 horas do día. Sinalan, ademais que xunto aos criterios técnicos tamén hai criterios políticos e, polo tanto, non é descartable para nada que ao longo da actual lexislatura poidamos contar con este servizo tan demandado polos veciños do concello.
O PP de Foz cree que os nacionalistas non están lexitimados para dar leccións neste asunto porque, como ben saben todos os veciños, cando nos pasados catro últimos anos tiñan responsabilidade de Goberno na Xunta rexeitaron en todas as ocasións e negaron en todo momento a creación do PAC de Foz, pese a ser un compromiso asumido por escrito. Neste senso cómpre lembrar as promesas efectuadas polos antigos dirixentes do PSOE e do BNG (Emilio Pérez Touriño e Anxo Quinta) incluídos en varias cartas.
EN SETE MESES MOITO MÁIS CA NOS CATRO ÚLTIMOS ANOS
Os populares de Foz reclaman ao voceiro dos nacionalistas locais que garde silenzo pois, a súa posición non está exenta de grandes dosis de hipocresía política e moito engaño xa que, mentres que en Foz se manifestaba a favor do PAC, os seus compañeiros en Santiago de Compostela votaban repetidamente en contra del. “Esta claro que os nacionalistas non teñen criterio”
Finalmente lémbranlle que baixo ningún concepto teña o atrevemento de facer comparacións coas xestións desenvolvidas polos distintos representantes do PP xa que, mentres que en sete meses, o Goberno que dirixe Alberto Núñez Feijóo xa adquiriu o compromiso de dotar ao Centro de Saúde de Foz dunha ambulancia permanente –precisamente a proposta do PP-, os nacionalistas, que tamén prometeron a posta en marcha deste servizo, foron absolutamente incapaces de levalo ao longo da pasada lexislatura. “Como mínimo imos a cumprir o que eles incumpriron”
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
