NOTA DE PRENSA
O GPPP agardan que a austeridade e a eliminación dos gastos superfluos rixan os orzamentos de 2010 da Deputacion de Lugo
Lugo, a 15 de decembro de 2009.- O Grupo provincial do Partido Popular valora con “prudencia” as declaracións realizadas onte polo vicepresidente Antón Bao nas que adiantou que os orzamentos da administración provincial para o vindeiro ano rexistrarán un descenso de entre 15 e 20 millóns de euros porque, segundo puntualizan, “xa nos acostumamos a que unha parte do Goberno da Deputación diga unha cousa e a outra, o día seguinte, algo completamente distinto”.
Os populares, de calquera xeito, agardan que “ambas partes” leven á práctica o anuncio de que rebaixarán considerablemente a partida consignada ó capítulo de gastos diversos que, tanto o Presidente da institución, José Ramón Gómez Besteiro, como a ala nacionalista, empregan para a súa promoción e autobombo persoal.
Ó entender do GPPP, a austeridade non é precisamente unha virtude da que fagan gala os responsables da Deputación de Lugo pero insisten en recalcar que, dada a grave situación económica na que nos atopamos, apretar o cinto e eliminar todo gasto superfluo debe ser unha das máximas que rixan os orzamentos provinciais do vindeiro ano.
Os populares tamén reprochan ó equipo de goberno provincial que agora se lamenten da rebaixa da aportación estatal a estes orzamentos porque, segundo lembran, non hai moito tempo rexeitaron unha proposta do GPPP na que pedían que a Deputación instara ó Goberno de Rodríguez Zapatero a que axilizara o proceso de financiación autonómica.
Dende o GPPP amosan tamén as súas dubidas sobre o feito de que, pese as intencións manifestadas por Bao, os orzamentos provinciais sirvan para algo máis que para repartir axudas con fines claramente partidistas e clientelares na vez de responder o interese xeral de todos os lucenses.
Lembran neste senso os populares que nestes dous anos e medio de goberno bipartito na Deputación todo o que anunciaron que ían facer para lograr o reequilibrio territorial non se levou á practica e que prácticamente todos os proxectos importantes que se están a aplicar son herdanza da etapa anterior. Dubidan, polo tanto, de que sexa precisamente agora cando dende a Deputación se vaia a traballar con rigor para explotar as pontecialidades coas que conta a provincia.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
